Aizawl: 191 Bn BSF, SHQ BSF Aizawl hnuaia mite chuan October 10, 2026 khan Mamit district chhunga Rajiv Nagar Community Hall-ah a thlawna inentirna (Free Medical Camp) leh Civic Action Programme an huaihawt.
191 Bn BSF Commandant Sh Ashutosh Chauhan hruaina hnuaia he hun hmanah hian tualchhung mi 150 vel hnenah a thlawna damdawi inenkawlna leh damdawi tam tak sem a ni a, zirlai te, tualchhung club hrang hrang leh Mahila Samity-te hnenah thilpek chi hrang hrang sem a ni bawk.
He hunah hian Sh VLK Vaiphei, Second-in-Command leh Dr Hemant Jinger, SMO te an tel a, thalaiten infiamna hmanrua, zirlai hmanrua leh puanthuina te an dawng a ni.
BSF-te chuan khawtlang chawikan leh thalaite puih zelna tur atan he hmalakna hnuaiah hian tualchhung hmeichhia 30 vel hnenah a thlawna puan thui zirna (stitching training) an pe a, thalai sipai tan tum te tan pre-recruitment training a thlawnin an neihpui bawk.