Paramount Skydance leh Warner Bros Discovery te chu an infinkhawm hnuah hming thar nen an rawn inlan tawh dawn a, Skydance tih a ni tawh dawn.
Paramount CEO David Ellison chuan he thu hi puangin, company lian pahnih inzawmkhawm chu Skydance tia koh an ni tawh dawn tih a sawi a, kan thil hlu neih hrang hrangte vawnghim dun turin theihtawp kan chhuah zel ang, a ti.
David chuan X lamah pawh he thu hi tarlangin, he hming thar hi ngun taka ngaihtuah a nih hnua thlan a ni a, company pahnih tana tha ber tur zel ngaihtuahtu a la ni ang, engkim vawnhim kawngah company pahnih thil hlute a enkawl ang a, engkimah a ber an nih zel dan a la ngaihtuah ang, a ti bawk.
October ni 6 khan Skydance Corporation tia dan hmanga a hming thlak a nih thu hi tarlan a ni a, mahse a nihna takah chuan a hming thlak ringawt a ni a, Paramount leh Warner Bros te document zawng zawng vawnghimtu tur erawh a la ni reng thung a, company pahnih infin hnua an hming thar tur mai a ni thung.