Lemchan thiam Ben Affleck chuan a chungchang an sawina thuthang hrang hrangte chu a hriat ve zel thu sawiin, mahse thudik a awm ngai lo a ti.
Hun rei tak an inkawp hnuah a hmangaihna hmasa Jennifer Lopez nen an inkawp nawn leh a, mahse hei pawh hian rei a daih leh lo. Tun hnaiah pasal then tawh ve tho zaithiam Shakira nen sawizawm an ni a, hei pawh hi Ben chuan thuthang mai mai niin a sawi.
Kum 54 mi Affleck chuan Los Angeles lama a film thar tihchhuahna lamah heng thuthang awm thin chungchang hi sawichhuakin, ka hna lamah ka thawkrim a, ka theihtawp ka chhuah thin, ka hunawlah chuan ka fate tan ka awm, tia sawiin, chu chu a hun hman dan a nih thu a sawi a, midang ngaihsak hman a ni rih lo niin a sawi bawk.
Shakira nena an chungchang chu thil awm reng a ni em tia an zawhna chu a zawttu chu amah aia hre hmasatu a nih thu nui chunga chhangin, keimah aiin i hre hmasa zawk a nih chu, kei chuan chutiang engmah ka hre ve lo, a ti.
Affleck hi kum 2005 khan lemchan thiam Jennifer Garner nen inneiin, fa pathum an neih hnuah kum 2018 khan an inthen a, hemi hnu hian a kawppui hmasa Jennifer Lopez nen inkawp zui lehin, kum hnih an inzui hnuah January 2025 khan an inkar chu an titawp veleh a ni.
Ka hnaah hian ka hlim a, ka theihtawpin ka thawkrim a, ka nuna thil pawimawh ber erawh ka fate an ni, an tan theihtawp ka chhuah reng thin, Ben chuan a ti bawk.