Lemchan thiam Hilary Swank chuan a fa pathumna tur pai mekin, kumin kumtawp lamah naute thar a nei dawn niin a sawi a, a pasal Philip Schneider nen hlimna thar duhawm takin a hmuak mek niin a sawi.
Kum 52 mi a ni tawh chunga naute thar a la nei thei tur chu a lawm thu sawiin, mi tam takin an zawh fo project thar a neih leh neih loh chungchang chu, December thlaah project a zawnga hlimawm leh lawmawm berin a lo hmuak dawn niin a sawi bawk.
Hilary hian kum upat hnua hriselna tha taka nena inenkawl chuan nau pai a la harsa lo tih hmeichhiate hnena hriattir chu a duhthusam a nih thu sawi zuiin, engkim hi hriselna a that phawt chuan harsa a awm lo, mahni kan inuluk thiam a ngai fo thin, a ti.
A pasal nen hian kum 2016 khan inhualin, August 2018 khan an innei zui a, April 2023 khan fa phir – Aya leh Ohm te hringin, tunah naute nei leh mai turin an inbuatsaih mek a, an chhungkaw tan chuan project hlimawm leh duhawm ber a nih thu a sawi nasa hle.