Aizawl: Synod Campus Ministry kaihhruainain India senior hockey player, Asian Games gold medalist ni bawk Lalremsiami Hmar-in Aizawla zirna in hrang hrang a tlawh.
Lalremsiami hian Mission Vengthlanga Synod Higher Secondary School, Chawlhhmuna St. James School, Lily Venga St. Anthony’s Higher Secondary School, Durtlang Leitana Alpha Academy, Durtlanga MFM Nursing School leh Synod Hospital-a College of Nursing-ah te Thawhlehni khan hun a hman pui.
Lalremsiami hian zirlaite zingah fuihna thu thate sawiin, Pathian avanga tun dinhmun thleng thei a nih dante, hlawhtlinna nei tura Pathian dah pawimawh a tul ziate a sawi a, zirlaite chu tum mumal tak nei turte, Mizoram chhung chauh ni lo, India ram huapa hmantlak ni tura tan la turin a fuih a, dinhmun thaa ding tura tumruhna leh taimakna a pawimawh ziate, mahni inthunun theih a pawimawh ziate a sawi bawk.
Lalremsiami Hmar hi Synod Campus Ministry Director, Rev. Johny Lalremfela leh Counsellor Lalrinchhana ten an tawiawm a ni.