Aizawl: Chief Minister Lalduhoma chuan Thawhlehni khan a pisa-ah Indian Railway Chief Administrative Officer Anjani Kumar Maurya leh railways mi pawimawhte kawmin, Sairang leh Hmawngbuchhuah inkara rel kawng thar kaltir an tum dan a thlirpui.
Chief minister hian Mizorama railway-in hma an lakna kawngah a rawtnate an ngaih pawimawh thin avangin Railway Minister Ashwini Vaishnaw chungah lawmthu a sawi a, rel kawng hi mipuite tana tangkai thei ang bera a kal theih nana rawtna nei thin an nih thu a sawi a. Station hming leh a paltlang ram hmingte chu a ram neitu khaw hming dik tak zel puttir tur leh tihdanglam duh tlem a rawt.
Railway hotute sawi danin Sairang leh Hmawngbuchhuah inkar hi km 230.110-a thui niin station 20 awm tura duan a ni a, relte hi darkar khata kilometer 130-a chaka tlan thei tur a ni.
Thutkhawmah hian Lt. Col. Clement Lalhmingthanga, MLA, GAD Principal Secretary Sudir Kumar, CM Commissioner & Secretary Vanlaldina Fanai leh Aizawl bawrhsap Er. Lalhriatpuia ten chief minister hi an tawiawm.