Aizawl: MNF Vice President Vanlalzawma chuan party dang ang an nih loh thu leh MNF chu a ral dawn loh thu a sawi.
Mizo Hnam Rûna nimina inkhawmah thu sawiin Vanlalzawma hian, “MNF hi a ral mai mai lo ang, headquarters mite pawh hi bâng darh vek mah ila, thingtlang lamah bâng ve miah lo tur leh kan hruaitute zingah party-a nghet tlat tam tak an awm,” a ti.
Hnam Run hi an din kawng reng a ngai a, a ruhrel an awm reng a ngai tih sawiin, sorkar reng theih a ni loh thu leh phunnawi chang awm bawk \hin mah se, party chhuahsan zawnga kawngsa an awm ve loh thu a sawi.
MNF Vice President hian MNF an danglamna chu Serchhip bialah pawh a lang chiang tih sawiin, “Pu Hawla’n kum 20 chhunga a vurte khan kum hnih hnu lekah an phatsan a, bye-election-ah an candidate-in dahkham a chawi a. MNF a\ang chuan kei ni lo, mi dang pawh ding se dahkham an chawi lo ang. Saitual bialah pawh Pu Zira tlin chhoh theih chhan chu party dang ang kan ni lo, kan rinawm tlat,” a ti.
Thusawitu dang MNF Vice President Lalthlengliana chuan Mizote zingah Mizo nationalism leh Indian nationalsim a insual reng dawn tih sawiin, “Mi \henkhat chuan hnam dang party an zawm a. MNF chu Mizo hnam tana ding, hnam pasal\hate pawh thisen luang ral raih khawpa ding ngam an ni. He hnam tana rawngbawltu kan nihna vawng nung reng tur kan ni,” a ti bawk.