A hla thar, ‘As It Was’ hmangin Harry Styles-a’n Guinness World Record thar a siam.
Kum 28 mi hian ‘Darkar 24 chhunga Spotify-a hla stream nasat ber’ (mipa) nihna a chelh ta a, he platform-ah darkar 24 chhungin a hla thar hi vawi maktaduai 16 chuang stream hman niin, Guinness-in a tarlang.
‘As It Was’ hla hi April 1 khan tlangzarh niin, US tiamin ram 34-ah hla stream nasat ber nihna a chelh a, zaithiam mipa zingah tluk zo leh khum thei an la awm lo.
Heti ang bawkin hmeichhe lam atangin Adele chuan a hla, ‘Easy on Me’ hmang khan Spotify-ah ‘Darkar 24 chhunga Spotify-a hla stream nasat ber’ (Hmeichhia) nihna a chelh ve tawh bawk a, vawi maktaduai 18 stream a ni.
Record thar pahnih dang
One Direction member hlui hian Spotify vekah record pahnih a siam bawk a, kumin 2022 chhunga ni khat thil thu-a hla stream nasat ber a nih bakah Spotify chanchina ni khat thil thu a US-a hla stream nasat ber a ni bawk. He hla hi May 20-a tlangzarh tur Style-a album thar, ‘Harry’s House’ single hmasa ber a ni a, One Direction an keh darh hnu-a solo album a siam pathumna tur a ni ang.