Marvel Studio kutchhuak nghalhehlawm, ‘Thor: Love And Thunder’ chu tun atanga thla thum liaim hnu ah tlangzarh tum a nih laiin, teaser chuan YouTube-ah darkar 24 chhungin view maktaduai 209 hlawh a hman.
Filmstar lar Chris Hemsworth leh Natalie Portman te channa hi darkar 24 chhunga trailer view hlawh ber palina a ni ta a; Marvel kutchhuak tho- Spider-Man: No Way Home, Avengers: Engdame leh Avengers: Infinity War te chiah a pha lo.
Spider-Man: No Way Home hian darkar 24 chhunga trailer view hlawh ber record a nei mek a, August 2021 a tihchhuah a nih khan ni khat thil thu ah view maktaduai 355.5 a nei thei. Avengers: Endgame-in view maktaduai 268 nei a, record siam tawh chu a thaichhia.
Pathumna Avengers: Infinity War trailer hian view maktaduai 230 a nei ve hman bawk. An pui hlawm hle a ni.
Marvel kutchhuak te hian tunhnai chho atang khan lemchan khawvel an thunun hneh hle a, record an s iam chho mawlh mawlh a, heng record te hi pawn lam mi tan thaichhiat leh thaireh harsa tak turte an ni hlawm.
‘Thor: Love And Thunder’ pawh hian record thar a siam ngei rin a ni.