German football club SC Freiburg chuan first half-ah goal thum an khung an chakpui a. An club chanchin a vawikhatna atan DFB Pokal final an khel dawn.
Thawhlehni zana Hamburg a Volksparkstadion a inkhelah Germany a 2nd Division club Hamburg SV in Freiburg hi an mikhual a. Minute 11- naah mikhual team in goal khungin Nils Petersen chuan midfielder Nicolas Hoefler goal shoot per let chu goal-ah a khung.
Minute ruk hnuah Hoefler-a’n an goal hnihna a khung a, penalty area hmawr atanga a ball pet chu dan a ni tawh lo.
Italian Vincenzo Grifo chuan minute 35-naah penalty atangin an goal thumna a khung a. Nico Schlotterbeck penalty hlawhchhuah chu tun season a a goal 12-na ni turin a khung.
Second half tawp dawn lamah Hamburg in Robert Glatzel hmangin goal khat an khung ve bawk a. Mahse inkhel tidanglam pha tawh lovin Freiburg in RB Leipzig emaw Union Berlin an hmachhawn leh ang.
Freiburg coach Christian Streich chuan, “First half-ah ball kan la let tha thei hle a, goal kan khung theih chhan pawh a ni. Second half a harsa zawk a, chak phu zawk kan ni a, mahse Hamburg khan theihtawp kan chhuah ngai turin an khel.” tiin a sawi.