New Mexico state sorkar chuan nikuma ‘Rust’ film siam laia cinemtograpber Halyna Hutchins kahhlum chungchangah Production company LLC chu $137,000 chawi turin a hrem.
State thuneitute’n an zirchiannaah production company hian silai leh ralthuam dang himna chungchangah a nih tur angin thil an kalpui lova, inthlahdahna leh palzamna lian tak a awm, tih an hmuh chhuah hnu-ah heti ang hian hremna pek an ni ta a ni.
Environment Cabinet Secretary James Kenney chuan, “Rust Move Productions LLC hian silai himna thila national film industry standard dik tak zawm se chuan heti ang thil pawi tak hi a thleng lovang,” a ti.
Kha thil thlengah khan inpuhmawhna leh inpuhchhiatna a tam hle a, nunna hlu tak chan a nih chungchangah zawhna a punlun phah hle. Silai endiktute’n an hna an tling lo em ni, tia fimkhurna thila inthlahdah taka ngai pawh an awm a ni.
Tarlan tawh angin, nikum October khan filmstar leh producer ni bawk Alec Baldwin-a’n New Mexico-a film an siam laiin Hutchins hi live round hmangin a kaphlum a, movie director Joel Souza pawhin hliam a tuar.