Kolkata Knight Riders chu Delhi Capitals lakah an zuih a, an zuih ral mai dawn nia a lanlaiin Rahul Tripathi chuan ball hnuhnung ber dawttu atangin 6 runs a vua a. Over 19.5-ah run 136 siamin wicket thumin Qualifier 2-ah hnehna an chang a. Indian Premier League final an khel dawn.
Sharjah-ah KKR hian chak turin run 136 an siam a ngai a, chak ngei turin an dinhmun a duhawm hman. Ball 25 atanga run 13 chauh an mamawh tawh laiin run 7 an siam belh chhungin wicket 6 an hloh a. Capitals lakah hun pawimawhah an chesual teuh.
Ravichandran Ashwin-a’n Shakib Al Hasan leh Sunil Narine te wicket la in hattrick siam thei dinhmunah a dinlaiin Tripathi-a’n an chak nan ball a vaw chhuak ta a. Kum sarih chhunga a vawikhatna atan KKR in IPL final an khel dawn.
Pitch inthlak danglam chak avanga run siam harsatna Sharjah-ah Delhi vuak hmasak tir an ni a. Shikhar Dhawan (36) leh Shreyas Iyer (30) te zarah over 20 chhungin run 135 bak an siam thei lo.
KKR tan opener pahnih Shubman Gill (46) leh Venkatesh Iyer (55) ten duhthusamin bul an tan a. Mahse an hnu lam amite an chesual nasa hle.
Dinesh Karthik, Eoin Morgan, Al Hasan leh Narine te run siam lovin an out vek a, Nitish Rana pawh a chet tak tak hma in Anrich Nortje chuan a chhuahtir.2012 final rematch
IPL chanchin a hlawhtlinna vawi khat aia tam lo nei ve ve tawh team ten kuminah champion an inchuh dawn.
Mahendra Singh Dhoni-a Chennai Super Kings in a vawi li-na atan champion an tum dawn a. Dhoni hova an trophy lak hnuhnung ber ni mai thei chu an um.
Lehlamah Eoin Morgan-a hovin KKR in a vawithumna atan champion an tum.
Kum 2012 khan final-ah intum tawhin hemi tum hian Kolkata wicket 5 in an chak.
An kalkawng leh thildang
CSK hi IPL season chawlh a nihin league-ah pahnihna an ni a, chhunzawm a nih hnuah a tawpah vawi thum tlawm mahse pahnihna an la hauh a. Qualifier-ah Delhi hnehin final an lut.
KKR erawh UAE hma in a mawng ber dawttu an ni a, mahse chhunzawm a nih hnuah match sarih atang vawi 5 an chak.
Final-a an player pawimawh tur zingah West Indies all-rounder Narine leh captain Morgan bakah opener che tha lai Iyer an tel chiang.
CSK tan opener Faf du Plessis dinpuitu Ruturaj Gaikwad a pawimawh a. England all-rounder Moeen Ali chu bat hmangin che langsar lo mahse a ball vawm lamah a laka run siam a la har tluang zel.