Mexico in CONCACAF World Cup qualifying a hmahruaitu nih chhunzawm turin nimin zingah El Salvador 2-0 in an hneh.
Hnehna an chan avangin El Tri hian khelh ruk atangin point 14 an hmu a, Qatar pan turin dinhmun tha an luah mek.
Mexico hian ni sarih chhunga an match thum khelhnaah Honduras hnehtu team atang mi pathum chiah an chhawr nawn a. Heng zinga mi Hector Moreno chuan goal hmasa zawk khungin WolverhamptonWanderers striker Raul Jimenez chuan an goal hnihna a khung.
Inkhel dangah United States Men’s National Football Team chuan Costa Rica laka si phur hmasa mahse 2-1 in hnehna an chang.
Team naupang tak nei US hian World Cup qualifier inkhela team naupang ber ni turin chawhrualin kum 22 leh ni 61 a upa team an rem a. Keysher Fuller chuan mikhual team tan goal khung mahse Sergiño Dest hmanga an sut hnuah Leonel Moreira own goal avangin an chak.
USA hian point thumin Mexico an pha lo mek a, a sang pathum tling tur zingah an la tel.
Canada tan star player Alphonso Davies leh Jonathan David te goal khungtu zingah an tel a. 4-1 in Panama an hneh a, pathumnaah an la awm ve mek.