Juventus in Serie A table chung lam an pan chhunzawm a. Pathianni zanah AS Roma chu mikhualin 1-0 in an hneh.
Allianz Stadium-ah Juve tan striker Moise Kean chuan inkhel a goal awmchhun a khung a. Turin club hi league-ah a zawna vawi li an chakna a ni a. Pont 14 hmu tawhin palina a awm Roma hi point khat chiahin an pha lo mek.
Minute 16-naah Kean-a goal vannei angreng tak a lut a, Rodrigo Bentancur tauh goal tum chu a lu ah fuhin a per lut a. Hei hi team pahnih inkar danglamna a ni.
Tammy Abraham-a’n Jose Mourinho pawlte tangoal khung mahse referee Daniele Orsato chuan penalty a pe hman a. Roma penalty hmuh hi Jordan Veretout chuan pet in Juve goalkeeper tunhnaia sawisel tawk thei viau Wojciech Szczesny chuan a save sak.
Pathianni inkhel dangah Napoli tan forward Victor Osimhen chuan a goal khung theih a chhunzawm a. Torino lakah khungin 1-0 in Partenopei an chak. Kum 22 mi Osimhen hian tun season-ah goal 8 a khung tawh.