Auto Corner:
by Ruata
Tata Punch tlangzarh fel, Rs. Nuai 5.49 (ex-showroom) atangin intan
Tata Punch hian direct taka han elpui mai tur hi a nei tam lo a, Maruti Suzuki Ignis leh Mahindra KUV100 NXT te hi a elpui hnaivai deuh turah report tam zawkin an tarlang
Tata chuan an micro-SUV thar tur Punch chu an tlangzarh ta a. Rs nuai 5.49 (ex-showroom) man atangin a intan dawn a ni.
Tata micro-SUV thar hi Tata ALFA architecture nghahchhana siam a ni a, khawl pahnih duhthlan tur a nei ang a, engine-gearbox combination pahnih a nei dawn bawk a ni. Tata Punch hi chi li (4) – Pure, Adventure, Accomplished leh Creative te a awm dawn a. Heng kan han tarlan tak te hi i han chik leh deuh teh ang.
Tata Punch kentel tur
Tata Punch man tlawm ber chi tur, Pure trim hian dual airbags, ABS, ISOFIX child seat anchor, front power window, central locking leh engine start/stop tech te a nei dawn a. Adventure trim chuan pure-in a neih bakah audio system, speaker pali
leh steering mounted control bakah, electric adjust wing mirrors, rear power windows, follow-me-home headlamp, USB charging socket leh full wheel cover te a nei dawn a ni.
Accomplished trim ho thung chuan tarlan tak te bakah khan 7.0-inch touchscreen, Android Auto leh Apple CarPlay connectivity, rear-view camera, fog lamp, keyless go, cruise control leh 15-inch steel wheel nalh tak mai a nei dawn.
A man to ber chi, Creative trim chuan Accomplished trim-in a neih ho zawng zawng bakah 7.0-inch semi-digital instrument cluster, automatic projector headlamps, LED daytime running lamps, automatic climate control, rain-sensing wipers, a rear wiper and washer, puddle lamps, 16-inch diamond cut alloy wheels tihte a nei dawn a. Kentel a ngah dawn viau a, a changkang thawkhat hle ang.
A rawng
Tata Punch rawng chi sarih (7) – Tornedo Blue, Calypso Red, Meteor Bronze, Atomic Orange, Tropical Mist, Daytona Grey leh Orcus White te a awm a ni.
Tata Punch Customisation Pack
Company lam chuan Tata Punch-ah hian customisation pack an ‘offer’ a. Pure leh Adventure trims teah hian Rhythm pack awmin Accomplished leh Creative-ah hian Dazzle leh IRA pack te a awm bawk a ni.
Rhythm pack hi Rs 35,000 man niin Pure trim ho bikah audio system speaker pali nei tel leh steering mounted control te a dah theih dawn a, Adventure bikah chuan a standard audio system chu 7.0-inch Harman touchscreen replete, Android Auto leh Apple CarPlay awmtelin a thawm belh dawn.
Accomplished trim hoah hian Dazzle pack hi Rs 45,000 man a ni dawn a. He pack-ah hian projector headlamp, LED DRL, 16-inch diamond cut alloys, black finished A-pillar tihte ho a awm dawn a ni. IRA pack thung hi Rs 30,000man a ni ang a, Creative trim noah Tata iRA connected car tech chu he pack hmang hian dah tel a ni dawn a ni.
Tata Punch khawl
Tata Punch hian 1.2-litre, three-cylinder naturally aspirated petrol khawl a hmang a, he khawl hian 86hp power leh 113Nm torque a pechhuak thei a ni. Transmission lamah chuan 5-speed manual emaw AMT automatic gearbox emaw duhthlan tur a awm ang..
He khawl hi Tiago, Tigor leh Altroz-ah te kan lo hmu tawh na a, henghoin an neih loh automatic engine start/stop functionality chu a tui hehlohna (fuel efficiency) atan dah thar a ni a. Hemi vang te pawh hi aniang ARAI pawm, a tui hehzawng chu 18.97kpl (manual transmission hmangah) a ni a, automatic-ah chuan 18.82kpl a ni thung a ni. A AMT gearbox bik hian Tata SUV lian hoin an neih ang, traction modes a nei tel bawk a ni. Tata Motors chuan Punch hian 0-60kph chu second 6.5 chhungin a thleng thei tih an tarlan a, 0-100kph chu second 16.5 chhungin a thleng hman thung a ni.
A elpui tur te
Tarlan tawh angin Tata Punch hian direct taka han elpui mai tur hi a nei tam lo a, Maruti Suzuki Ignis leh Mahindra KUV100 NXT te hi a elpui hnaivai deuh turah report tam zawk chuan an tarlang a. A man to ho hi chuan Renault Kiger leh Nissan Magnite compact SUV te pawh kawng hrang hrangah chuan a el tawk viau an beisei hlawm bawk a ni.