Nakum atangin kuthnathawktute tan SEDP : Ruatkima


MNF Adviser Lalruatkima chuan, “SEDP-in nakum a\angin kuthnathawktute hnen a thleng dawn,” a ti.
Tuirial bial bye-election lo awm tura campaign-a nimina Mualkhanga vantlang inkhawm neihah Lalruatkima hian, MNF sorkar chu a intiamna a tihlawhtling tam tawh hle a, a la tihhlawhtlin lohte pawh tihlawhtling turin hma lam a pan zel niin a sawi a. “Hripuiin min nuai chungin kan manifesto tihhlawhtlin a tam tawh hle a. Congress zu zawrh vanga Zoram rumna titawp turin zu zawrh kan titawp nghal a. Lirthei neite manganna, lifetime vehicle tax siam danglam nghal a ni a. Kan hnamzia nena inmil lo sikul kal dan thlak nghal a ni bawk. Eirukna do nan Lokayukta hnathawk theia siam a ni tawh bawk a ni. Zoram dung tluan kawng chhe em em pawh tunah chuan a lo ziaawm ta hle a nih hi,” a ti.
MNF adviser hian zirtirtu indaih lohna nasa lutuk phuhruk nan zirtirtu lak belh a nih thu te, eirawngbawlna gas leh buhfaia harsatna tawh a lo tawp tak thu te a sawi a. “Congress sorkar laiin Zophaiah zirlai leh media miten Assam police lakah kut nasa takin an tuar a. Chhantu an nei lo. Tunah chuan ramri humhim turin sorkarin huaisen takin hma a la ta mek zel,” tiin, ramri humhalh nan ramri-ah hmasawnna hna thawh mek zel a nih thu a sawi.
MLA Lalrinsanga Ralte, MNF adviser ni bawk pawhin thusawiin, “Kar hnih chhungin bye-election neihna tur bial ka fang chhuak a. Mi chi hrang hrang ngaihdanah ruling MNF candidate thlan tlin tumna boruak a lian hle,” a ti a. Candidate zawng zawngte an \ha vek thu sawiin, MNF candidate hian \hat bikna a neih chu ruling candidate a nih thu a sawi a. “Opposition thutthleng a\ang chuan bial hmasawnna hna thawh tak tak a har. Chuvangin, he bial hmasawnna thlen tak tak tur chuan ruling MLA in neih a ngai a ni,” a ti bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427