Sipaiten Sudan sorkar thiatin thuneihna chang


Sudan sipaite chuan mipui thlan rorelna \hiatin politics hruaitute an man a, emergency an puang nghal bawk.
Mipui rorelna hnuaia joint council-a an hotupa, Gen Abdel Fattah Burhan chuan politics-a an inbeihna nasa lutuk chu hetiang thil a thlen chhanah a puh.
Mipui rorelna paih thlak duh lotu mipuite chu an khawpui, Khartoum-a khawlaiah pung khawmin silai pawh a puak tih sawi a awm.
Kum hnih liam taa hun rei tak an rama ro lo rel tawh, Omar al-Bashir-a paih thlak a nih hnuah khan sipaite leh mipui aiawha roreltute hi an inpawt tawn nasa hle.
An ram hi ei ber dinhmunah an pachhiat lai a ni a, ram dangin an pui nasa hle a, tuna sipaiten thuneihna an chan takah hian hei hi a nghawng dawn em hriat a la ni lo.
Africa khawmualpui hmar lam ram khawpuia thil thleng video tihchhuahah chuan Thawh\anni khan mipuite chuan inhungna an siam a, sipai hmunpui bul lawkah an inhawr khawm.
An zinga pakhat, Haitham Mohamed chuan, “Sudan-a mipui rorelna a awm theih nan kan nun hlan pawh kan inpeih,” tiin Agence France-Presse hnenah a sawi.
Prime Minister Abdallah Hamdok-a pawh pawn chhuak thei lova sipaiten an hren zingah a tel nia sawi a ni a.A cabinet leh mipui sorkara hotu lian dangte pawh hren an ni bawk.
Information ministry-in Facebook-a thuchhuah an siamah chuan mi mante hi hmun biru tak, hriat loh hmunah dah an nih rih thu a sawi.
Hamdok-a hi sipaite thlawp mai tura nawr nia sawi a ni a; mahse, amah hian duh lovin mipuite chu muanawm taka duh lohna lantira ‘an ram thil inthlak mek chu vawnhim tum tlat’ turin a chah.
Gen Burhan-a hi Sovereign Council hruaitu niin he council hi sipai leh mipui aiawhtuten thuneihna an in\awma an rorel khawl a ni.
TV-a thu a sawiah politician, tum neih leh tharum thawhna hmeh mih tumnain an ram a him nan tuna an thiltih hi a thlentir tih a sawi.
Sudan hi khawvel ram dangten an ngaihchan reng lai niin mipui rorelna a awm theih nana sipai nena thuneihna in\awm a awmna a ni a, July, 2023-a inthlan tum a ni.
Hetih lai hian Khartoum khawlaiah sipai rorelna duh lo mipui an inhawr khawm a nasa a, “Sipai rorelna kan duh lo,” tiin an au rual.
An zinga pakhat, Sawsan Bashir chuan, “Mipui rorelna leh rorelna inthlak a awm hma chuan khawlai hi kan kalsan dawn lo,” tiin AFP hnenah a sawi.
Internet a awm lo va, sipai leh paramilitary sipaiten khawpuiah khawlai an fang a. Khartoum thlawhna \umhmun pawh khar a ni a, ram dang nena intlawhpawhna an khar.
Sipaite chet dan hi ram dang dang a\ang pawhin demna a tam hle.
Sudan leh South Sudan-a UK ram special envoy Robert Fairweather chuan sipaiten mipui hruaitute an man chu ram inlumlet mek, inthlak mek leh Sudanese mipuite phatsanna a nih thu a sawi.
United States, United Nations, European Union leh Arab League te pawhin thil thleng hi \ha lo an tih thu an sawi hlawm.
Thla tam tak chhung khawlaiah duh lohna an lantir hnuah kum 2019 khan President Bashir-a chu paih thlak niin sipaite leh mipui aiawhte hian rorelna intawm an siam a, insiam rem chhung tiin a hnua mipui rorelnaa thlak tum a ni.
Sipaite leh mipui aiawhten thuneihna an insem hi Forces for Freedom & Change (FFC) tih niin rorel khawl tur, Sovereign Council an din zui bawk.
Kum khat dang thuneihna intawm hi kalpui zui tur niin a hnuah inthlanpui huaihawt a ni ang a, mipui rorelna din tawh tura tih a ni.
Inremna mumal tak awm mah se thuneihna intawmtute inkarah neuh neuh a awm a, politics-a inbeihna hrang hrang bakah sipaite zingah ngei pawh ngaihdan inang lo a awm nual.
September khan Bashir-a tantute lo pawng thar leh bawkin thuneihna chan tumin an bei zui a; mahse, sipai chakna hmanga hmeh mih a ni a, hemi hnuah hian thuneihna chan tuma inbeihna a lian zual.
Sudan hi kum 1956-a anmahni kea an din hnuah political system mumal an la nei thei meuh lo va, sipai rorelna hnuaiah vawi tam awm tawhin sipai chakna hmanga thuneihna chan tumte pawh an tam tawh.

Leave a Reply

Your email address will not be published. Required fields are marked *

error: Content is protected !!