EDITORIAL 27/10/21


Tun atanga inbuatsaih lawk a hun tawh lo maw?

Hunpui tia kan sawi thin, Krismas leh Kumthar kan hnaih chho leh ta hle mai a, khap ngai tam tak a awm leh dawn. Kumtin inkhap ve bawk thin mah ila, kawng thenkhatah chuan a sawt mawhzia hretute tho kan ni bawk!
Halpuah leh halmawi bakah thil dang dang phal loh khapna thupek chhuah kawngah hma la chak zel ila, sorkar pawh tun atangin lo inbuatsaih ngawrh se, a dawn hnaiha buai chung leh inlak strick thar hian awmzia a nei thui duh lo viau.
Tin, lirthei neitute tan documents enfiahna leh surprise checking te neih a lo ni tawh thin a, nikum maiah pawh lockdown karah neih a niin, documents tihfel tum leh test hrang hrang neih tum kan in ek-beng leh nghek a nihkha! Awmze awm lo zet hian hri leng karah hian kan tal ta thin a, hei hi inbuatsaihna tha tawk a awm loh vang a ni.
Kuminah pawh hunpui hnaih a ni emaw, ni lo emaw, kan him tlan nan sorkar in traffic police te kaltlanga lirthei documents endik a nei leh dawn a nih pawhin, lo inruahmanin, inbuatsaihna hun thawl siam hmasa se la, a dawn hnaih leh a hunlaia tihfel ngai intlar dul ang chi kha a awm lo deuh zawkin a rinawm. Tin, hri leng kara kan him tlan dan ruahmanna hrang hrang hi siam thiam a hun tawh hle bawk.
Hunpui kan hnaih telh telh a, fimkhur a ngai telh telh bawk. Kawng engkimah sorkar hian ruahmanna a lo siam thinte ennawnin, tun atangin inbuatsaih se la, chutiang tur chuan department hrang hrangte pawh inbuatsaih tawh teh se.

Leave a Reply

Your email address will not be published. Required fields are marked *

error: Content is protected !!