Congress chuan chawlhkar khat awh tur, ‘Jan Jagran Abhiyan’ chu November 14 a\ang hian an \an dawn tih Thawhlehni khan an puang.
Party thupuangtu, Randeep Surjewala chuan an hruaitu lawkte an \hutkhawm zawhah an hmalakna thar tur hi a puang a ni.
Jan Jagran Abhiyan hi a hun tur la puan loh, parliament thlasik \hutkhawm neih hma leh state pangaa assembly inthlan lo awm tur hmain eptu party hian a huaihawt dawn a ni.
Congress hruaitu lawkte hi Thawhlehni chawhma lam khan state inthlan lo awm tura hma an lak dan turte sawihovin an \hukhawm a. President Sonia Gandhi chuan an hruaitute chu Congress tichak tura hma la tur leh anmahni mi mal hmathlir pawh dah pawimawh turin a ti.
Gandhi-i chuan an pawl leh state hruaitute inkarah ‘thil tum leh tih tur chianna leh inpumkhatna a awm lo’ niin a sawi a. An hruaitute chuan a bul\huta thu ken pawimawh tur ang chi hmaih an nei niin a sawi bawk.
Thawhlehnia an \hutkhawmnaah hian party president hlui, Rahul Gandhi bakah general secretar te, in-charge nei hrang hrang leh pradesh president te pawh an tel a. An pawl chhunga harsatna awmte an sawho va, siam rem dan tur an ngaihtuah.
Gandhi-i chuan, “Kan rama mipui rorelna, kan danpui leh Congress party thutlung vawng him turin peih chikima kan inpeih a ngai a, mi tih dik lohte pawh bei tura kan \an a ngai. Pawisak nei lova campaign thin BJP/RSS thuthlung kan bei dawn a. Hnehna chang tur chuan tih tak taka beiin mipui hnena dawt an sawite hai chhuah a ngai a ni,” tiin a sawi tih news agency PTI chuan a tar lang.
Eptu party lian hruaitu lawkte \hutkhawm hi kar leha membership drive an \an tur hma lawka neih a ni bawk.
Gandhi-i chuan Uttar Pradesh, Punjab, Goa, Uttarakhand leh Manipur-a assembly inthlan lo awm tura inthununna \ha leh an member-ah inpumkhatna \ha a awm a \ul thu a sawi.