Brooklyn Nets in tunkarah Charlotte Hornets laka a tawp an khar that loh hnuah an tho lehnghal a. Thawhlehni zingah Washington Wizards 104-90 in an hneh.
Nets hi 111-95 in Charlotte lakah an tlawm a, an shooting a fuh loh tum an tuar. Wizards lakah pawh hian 3 point shooting-ah an player thenkhatte la che fuh thei lo mahse an khingpuite shooting tha tur an veng hneh ve tlat a. Hnehna an chan phah.
Nets tan Kevin Durant chuan point 25 a score a, Patty Mills-a’n bench atang 3 points vawi nga lutin point 21 a vawiin a thawh a. James Harden chuan point 14, assist vawi 9 leh rebound vawi 6 a nei.
Nets player zingah Harden leh Joe Harris te shooting a kaltluang lo hle a. Nimahsela offensive player nei chhah tha tak Nets an buai lo.
Washington tan star player Bradley Beal chuan point 19 score mahse ani pawhin vawi 22 ball a shoot atangin vawi 8 chiah a lut a. 3 points vawi 13 atang vawi 3 chiah a lut.
Inkhel dangah Boston Celtics in 140-129 a Charlotte Hornets hneh nan overtime khelh an mamawh a. OT-ah hian point 18 lai score in an chak.
Celtics tan star player Jayson Tatum chuan point 41 a score.