Scindia-an Shillong-Dibrugarh thlawhna vai liam


Union Civil Aviation Minister Jyotiraditya Scindia chuan Thawhlehni khan hmun danga peng kawi lova Shillong leh Dibrugarh inkara thlawk tur thlawhna thlawk chhuak hmasa ber chu a vai liam.
Sorkar laipuiin hmun kilkhawr zawkte tlawhpawh theiha siamna tura hma a lakna, Ude Desh Ka Aam Naagrik (RCS-UDAN) hnuaiah he thil hi kalpui a ni.
Union aviation minister bakah hian thlawhna vai liamnaah hian Meghalaya Chief Minister Conrad K Sangma leh Shillong MP Vincent H Pala te pawh an tel.
Shillong-a thu a sawinaah Scindia chuan khawvela ruahtui dawng tam ber hmun hi khawvel hmun dang chu sawi loh, India ram chhung tan ngei pawh tlawhpawh a hautak \hin tih a sawi a, tlawh manhla bawk si a ni thu a sawi bawk tih news agency PTI chuan a tar lang.
Shillong chu a tlang chhawrdawh mawi tak te, puk te, tuikhawhthla sang tak tak a neih te, a ram inpharh mawi leh thil hlui leh hmun hlui bakah khawsak phung hlu tak a neihte chuan a tihausa hle tih civil aviation minister chuan a sawi a, “Meghalaya hian heng bak hi min hlui tur dang a neih a ngai chuang lo,” a ti.
Scindia chuan kum 2014 thleng khan hmarchhakah thlawhna \umhmun paruk chauh a awm thu leh tunah erawh 15 lai a awm tawh thu a sawi.
“Hun tawi te, kum sarih lek chhung hian kan hlawhtlinna chu sang tak a ni a. Hei hi a bul \anna chauh a la ni a, hmarchhaka hi state leh state inkalpawhna bakah state chhunga inkalpawhna pawh \ha zawk pek zel kan tum a ni,” a ti.
Scindia chuan sorkarin a tum chu thlawhna hmanga inkalpawhna mai ni lovin, hmanraw dang pawha inpawh awlsam chu a tum a nih thu a sawi a, helicopter service tihchangtlun pawh tum a nih thu a sawi.
“Tun hnaiah helicopter policy kan hawng a, hmarchhakah a service zel ang. Zin mite hian kil tin an tlawh theih kan duh,” a ti.

Leave a Reply

Your email address will not be published. Required fields are marked *

error: Content is protected !!