Sudan: Mipuiten silai ri karah dodalna lantir zel


Sudan-a sipaiten mipui aiawh nena sorkar in\awm an siam \hiata anmahnia thuneihna an chan tak duh lotu mipuite chuan sipaite chet dan duh lohna nasa takin an lantir zui zel.
Khawpui ber, Khartoum-ah chuan mipui pung khawm au rualin hnam puanzar an vai a, kawngpui an dang bawk a. Khawpui lian dangah pawh sipai sorkar dodalna an lantir bawk.
Thawh\anni khan Gen Abdel Fattah Burhan-a chuan mipai aiawhte nena ro an inrel \awm chu \hiatin politics hruaitute an man a, emergency a puang zui.
Sipaite hian mipuite kapin mi 10 an thi niin sawi a ni.
Gen Burhan-a hian Thawhlehni zanah ram mipuite hnenah thuchah a sawi rin a ni a. Thuneihna a lak hlima a sawiah chuan hetianga a chet chhan hi politics-a inbeihna nasa lutukin a hrin niin a sawi.
Sipaite chet dan hi ram tam takin an dem a. UN Security Council pawhin an sawiho dawn niin ram palaite chuan AFP news agency an hrilh.
Sipaite chu Khartoum-a in tinah lut kualin anmahni duh lohna lantirna huaihawttute an vai nia sawi a ni.
Thlawhna \umhmun pawh khar niin ram dang a\anga tlawh theih an ni rih lo va. Internet leh most phone line te pawh a tawp nual bawk.
Central Bank-a thawkte pawh nuarin doctor-te pawhin sipai hnuaiah chuan rikrum thila chet ngai tih loh chu an che chhuak dawn lo tih an sawi.
Sipaite hi mipui aiawh roreltute nen hun rei tak an rama ro lo rel tawh, Omar al-Bashir-a kum 2019-a paihthlak a nih hnu khan thuneihna intawm siamtute an ni.
United States Secretary of State Antony Blinken chuan sipaite chet dan chu ‘Sudan ramin muanawm taka an rama rorelna kalphung thlak thleng tura an beihna a phatsan’ niin a sawi a. US-in $ maktaduai 700-a a puihna pawh a titawp lailawk nghal.
Thawh\anni zan zankhuaa mipui an inhawr khawm hnuah Thawhlehni tukah pawh an chhuak leh a, mipui rorelna an duh thu an aupui zui leh.
“Mipui rorelna hi mipuite duhthlan a ni,” tia au rualin lirthei ke an hal a. Hmeichhiate pawh an tel a, sipai rorelna an duh loh thu an aupui.
Thawh\anniah khan sipaiten an kap tawh a; mahse, mipuite hi an tawp chuang lo.
Hliam tuar pakhat chuan sipai hmunpui bulah a kea an kah thu a sawi a, pakhat leh chuan stun grenade hmanga beih an nih hnuah silaimu tak taka kah an nih thu a sawi bawk.
“Pahnih an thi a, ka mit ngeiin ka hmu a ni,” tiin Al-Tayeb Mohamed Ahmed chuan a sawi a. Sudan-a doctors’ union leh information ministry pawhin Facebook-ah sipai hmun pawnah inkahna a thlen thu hi an tar lang.
Damdawi in leh a chhehvel thlalak langah pawh kawra thisen kai hnenghnuang hmuh tur a awm bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427