Tuirial bial MLA by election neih tura campaign theih hun chu vawiin tlai dar 6-ah a tawp tawh dawn a, he biala vote nei lo campaigner zawng zawngte chu tlai dar 6 hnuah bial chhung chhuahsan tura hriattir an ni.
MLA bye-election neih turah Election Commission of India chuan vote thlak hun tawp a\anga chhiar leta darkar 72 chhung chu silent period-ah a puang a, vote thlak theihna hun tawp October 30, 2021 tlai dar 6 a\anga chhiar leta darkar 72, campaign theih hun tawp chu vawiin tlai dar 6 a ni.
ECI chuan model code of conduct (MCC) a puan angin October 27 tlai dar 6 hnu lamah chuan Tuirial bial huam chhunga vote nei lo, party campaigner zawng zawngte chuan Tuirial bial an chhuahsan tur a ni.
Koalsib district election officer Dr H Lalthlangliana chuan, MCC anga October ni 27 tlai dar 6 hnu lama bial chhung mi ni lo an campaigner-te hawtir vek turin political party-te hriattir vek an ni tawh tih sawiin, dan pela bial chhunga la cham bang an awm a nih chuan an khaw lamah nawr haw an ni dawn tiin, nawr haw ngai loa dan zawm turin party tin campaigner te an ngen tih a sawi.