Mizoram leh Assam ramri venga Bairabi-a duty Laldintluanga Ralte, 1st IR Bn. ami chu nimin (Oct ni 29) khan Assam Police-in an hruai bova. Bairabi Police ten ngaihven nghalin Ramnatpur Police station-ah an kawl tih an hriat hnuah Bairabi PS OC leh a ho ten Ramnatpur panin, hruai haw tumin hma an la mek.
Bairabi Police ten The Zozam Times an hrilh danin, Assam Police te hian Laldintluanga chu nimin chawhnu lam khan an hruaibo a, chanchin an hriat ve leh Bairabi Police ten ngaihven nghalin, Ramnatpur PS-ah an kawl tih an hriat hnuah an umzui nghal a, nizan tlaivara an awmchilh hnuah pawh tun thlengin Laldintluanga chu Assam Police ten an kutah an la hlan lo.
Assam Police te hian Zophai, Bairabi-a lei dawh hna chawlhsan leh lei dawhna tur hmanraw chhawp te laksawn an phut niin Baibari police te chuan an sawi a, Assam Police chet dan chu mak an tih thu an sawi. Laldintluanga hruai haw lo chuan Ramnatpur rawn chhuahsan an tum loh thu The Zozam Times an hrilh bawk.