India chuan hun rei tak a \henawm, China nen ramria an inepna boruak kal zelah United States siam hmanruate a chhawp hnai.
India hmarchhak lama Tawang Plateau an tih, Bhutan leh Tibet \henawmah a hmanruate hi a chhawp hnai a. Heng lai hmun hi China chuan a ramah chhal mah se India-in a thunun a ni thung.
Heng hmun hi politics leh sipai lamah pawh inhnialna leh inmil lohna lo awm fo tawhna a ni.
Kum 1959 khan Dalai Lama chu India-ah tlanchhiain tlanchhiat nan hian Chinese sipaite chevel laka him nan a bul lawka khân chu a hmang a. A hnu kum thum lehah helai hmunah hian ram pahnih hi an indo zui.
India hian heng laiah hian US siam, Chinook helicopter, howitzer hnuh sawn theih zang \ha tak leh rifle bakah ama siam chhuah supersonic cruise missile leh surveillance system \ha zawkte Tibet khawchhak hnaihah a chhawp.
Heng ralthuamte hi China-in huang a zauh zel kara India-in inven nan leh nawr let a \ul pawha hman turin US leh India inkungkaihna tihnghetna kal zela India-in a lei a ni.
Indian sipai hotute chuan kar hmasa khan China nena inrinaa an inruahman dante hi enpuiin an hruai kual.
Eastern Army Commander Lieutenant General Manoj Pande chuan pheikhawp, hmanrua, laipui leh thlawhna atanga thlawpna an dawn theih dante entirin a tan ho chuan tha, khawng leh innghah ngamna, rang taka chet theihna’ a nih thu a sawi.
Mountain Strike Corps chu a zawng zawngin an inring a, an inpeih fel vek tih a sawi a. “Unit tin, ral bei mi leh anmahni thlawptu unit-te pawh thuam chak niin hmanrua pawh chhawp belh vek an ni,” an ti.
India leh China hi ramri-ah intibuai reng ni mah se nikum khan kum tam tak chhunga an intihbuai len ber tum thlengin Indian sipai 20 leh Chinese pali an thi a. Intihfel tumin vawi tam an indawr a, hmun thenkhata an inrem lohna laite chu ching fel thawkhat mah se inrem lohna lai hmun eng emaw zat an la nei teuh tho a ni.