Zaithiam lar Zayn Malike-a’n a pizawn kut a thlak lo tih a sawi rualin, a nupui Gigi Hadid nen an in\hen nia sawi chungchangah ngawih a chuh.
One Direction member hlui hi a pizawn Yolanda Hadid chuan eng emaw thu inchuhna thlengah na takin a beng niin, a puh a, court-ah hial thlen in, Zayn erawh chuan kut a thlak loh thu leh a pizawn laka thiam chang nih tuma thiamthu sawi chiam erawh a tum lo, a ti.
‘Ka fanu hmingchhal meuhin ka sawi ange. Yolanda Hadid lakah kut ka thlak lova, hei bak hi chu sawi ka tum lo. Dik lo taka min puhna chungchangah Yolanda hian a thusawi a hnuhkir ngei ka beisei a, mimal thil a nih avangin kan chhungkaw damna a thlen ka ring bawk,” tiin thu-chhuah a siam.
Zayn leh a nupui Gigi te hian fanu kumkhat mi Khai an nei a, media lam chuan thla khat liamta vel khan an nupa hi an in\hen tawh niin, an tarlang hlawm. Anni pa-hnih hi kum 2015 a an inzui hnu khan on/off angin an kal chho a, 2019 khan pumkhatah an insiam a ni.