1971 indonaa India in Pakistan laka hnehna a chan kum 50na lawmna -Swarnim Vijay Varsh- kal meka Assam Rifles-in an buatsaih Football championship final chu nimin khan AR Lammualah khelh a ni a. Sports minister Robert Romawia Royte-in a hmanpui.
Sports minister chuan “Kum 1971 Indonaa India sipaite huaisenna leh chakna khan nasa takin India a chawisanga, nunna hlu tak hlantute leh sipai huaisen zawng zawngte zahna ka hlan thar leh a ni” a ti a. Assam Rifles-in mipuite nen inlaichinna tha siam tura sports-a inelna leh kawng hrang hranga hma an lak thin dan fakawm a tih thu leh chhunzawm zel tura a duh thu a sawi.
Robert Romawia chuan “India ram hmun zau zawk leh Mizoram dawhzawmtu pawimawh chu football leh sports hi a ni” a ti a. Sports deptartment, Assam Rifles leh ADFA/MFA te tangtlanga naupangte puala holiday football program neih a duh thu sawiin, naupang ten exercise laa thlan tla khawpa a huhova an nuam tihzawng tak football hmanga an taksa mumal taka an sawizawi chu national education policy 2020 duhdan a nih thu a sawi bawk.