Mizoram People’s Forum (MPF) Gen. Hqrs chuan Tuirial Assembly Constituency bye-election neih zawh takah, inthlanna tluang taka buatsaih a ni chu lawmawm an tih thu an sawi.
Nimin khan MPF Gen. Hqrs Governing Board meeting chuan inthlanna neih zawk tak thlir letna an nei a. Inthlanna felfai leh thianghlim a awm theihna tura \hahnemngai taka thawktu bial chhung khawtina MPF local forum, constituency forum leh Kolasib district forum te chungah lawmthu an sawi.
Inthlanna buaipuitu District Election Officer (DEO), Kolasib district leh a thawhpuiten, inthlanna felfai a awm theih nan MPF chungah rinna nghatin \ha taka an thawhho theih avang te, political party nena thawhhona thuthlung an bawhzui kawngah party-te \awiawmna leh hriatthiamna an dawn avangte, chanchinbumiten an thuchahte puan darhsak \hin avangte’n lawmthu an sawi bawk.
Mipuite leh political party-ten ram hruaitu thlannaah fel fai leh thianghlim taka kalpui a nih zel theih nan te, therhlo leh hmanraw thianghlim lo hmanga vote zawng lo tur te, ram hruaitu \ha thlan chhuah kawnga \an la zel turin MPF hian an chah nghal bawk a ni.