Hospital fai leh thianghlimna kawnga inelna atan Hnahthial distict inbuatsaih

Hnahthial district core committee on Kayakalp chu an chairman, Hnahthial bawrhsap R Lalremsanga hovin nimin khan an thukhawm a, Hospital thianghlimna leh faina kawnga inelna ‘Kayakalp’ atan theihtawpa inbuatsaih ni se, an ti.

Hnahthial bawrhsap chuan India rama faina leh thianghlimna kawnga hmasawnna tura hmalak mekna Swach Bharat Mission kalpui mekah Hospital thianghlimna leh faina ngaih pawimawh hmasak anih thu sawiin, damdawi in te faina kawnga inelna Kayakalp pawh kalpui a nih thu a sawi a. “A inelna ngawr ngawr ai mahin mipui vantlang rohlu bawrhsap pisa leh pisa dang dangte an pawimawh a, hospital pawh kan vaia ta a ni a, mirethei ber atanga mihausa berin kan mamawh a nih avangin thianghlim leh felfai taka enkawl chu mipuite mawhphurhna a ni” a ti.

Bawrhsap chuan district mipuite District hospital faina leh thianghlimna atana theihtawp chhuah tura sawmin, hemi kawnga hmalak bultanna atan Bawrhsap pisa hmingin Rs. 10,000 a hlan nghal bawk.

Leave a Reply

Your email address will not be published. Required fields are marked *

error: Content is protected !!