Khawvel Sunday School Ni


Mizoram Synod hnuaia tualchhung kohhran hrang hrangten kum tin November Pathianni hmasa ber chu Khawvel Sunday School Ni atan an hmang \hin a, Pathianni lo awm turah pawh an hmang dawn.
Puitling lamah Sunday school chanchin, Rev Dr B Lalnunzira ziak an zir dawn a, Intermediate a\anga Senior deptt-in John Newton-a chanchin, Upa Hrilthansanga ziak an zir ang a. Beginner a\anga Junior deptt-in Graham Staines-a chanchin, Rev Vanlalrova Khiangte ziak an zir ang.
Sunday school hi kum 1780-ah England ram, Gloucester khuaa Robert Raikes-a din niin, dodalna nasa tak kara bul\an ni mah se, Sunday school chu mi chanhaiten zirna an dawn theihna hmasa ber a nih avang leh a kaite nunah danglamna nasa tak hmuh tur a awm avangin a darh zau ta zel a ni.
Synod Inkhawmpui vawi 97-na report-ah Mizo Sunday School Union (MSSU) hnuaiah Sunday school 1,032, hotu 4,562, zirtirtu 46,866 leh zirlai 3,70,937 an awm.
Synod information & publicity department chuan October, 2021 thlengin Pi Zaii Award 20,900 pek tawh niin, Pi Zaii Special Award 1,386 pek tawh a ni a. Zalawra Award 21,632; Zalawra Special Award 1,852; Diploma Award 10,235 leh Jubilee Award 1,339 pek tawh a ni.

Leave a Reply

Your email address will not be published. Required fields are marked *

error: Content is protected !!