Mizoram sorkarin tuialhthei (petrol leh diesel)-a chhiah, value added tax (VAT) a lak a tihniam.
Sorkar laipui chuan tuialhthei a chhiah a lak chu petrol-ah Rs 5 leh diesel-ah Rs 10-in a tihniam a, Mizoram sorkar pawhin chhiah a lak a tihniam thu hi nimin zing khan Chief Minister Zoramthanga’n Twitter kaltlangin a puang.
Zoramthanga chuan Mizoram sorkarin tuialhtheia chhiah a lak a tihniam tih sawiin, “Petrol leh diesel-ah chhiah lak Rs 7-in tihhniam a ni a, vawiin a\anga hman \an tur a ni ang,” a ti.
Chief minister-in petrol leh diesel-a chhiah lak tihhniam thu a puan hnuah Taxation department Commissioner & Secretary Vanlalchhuanga chuan hriattirna a tichhuak nghal a, sorkarin petrol-ah chhiah 25% a lak \hin chu November 4 a\anga tihniamin 16.36% lak a ni tawh dawn tih leh diesel-ah 14.5% chhiah a lak thin chu tihniamin, 5.23% in a la tawh dawn tih a tar lang.
Sorkar laipuiin tuialhtheia chhiah a lak a tihhniam hnuah Mizoramah pawh oil man tlawm ang hian hralh chhuah ve nghal a ni a, Aizawlah chuan petrol hi Nilainiah litre khat Rs 107.12 a nih laiin nimin zing khan Rs 101.30 a ni a, diesel hi Nilainiah litre-ah Rs 97.89 a nih laiin nimin zingah Rs. 86.37 a ni a; petrol hi Rs 5.82-in a tlahniam a, diesel hi Rs 11.52-in a tlahniam a ni.
Hetihlai hian Mizoram sorkarin chhiah a lak a tihhniam thu a puan ni, Ninganiah erawh a taka hman nghal a ni lo thung a, vawiin a\anga hman \an tura ngaih a nih thu petrol pump-a thawktuten an sawi.