MZP inkhawmpuiah president atan Lalnunmawia Pautu thlang


Nimin khan Mizo Zirlai Pawl (MZP) chuan inkhawmpui an hmang a. He inkhawmpuiah hian hruaitu thar thlang nghalin, President-ah Lalnunmawia Pautu thlan a ni.
Vana pa Hall-a MZP General Hqrs. Assembly vawi 65-na chu neih niin, chawhma dar 10 a\anga chawhnu dar 2:15 chhung khan kum 2021-2023 chhunga hruaitu thlanna neih a ni a. Hruaitu thar thlanga vote an thlak zawh hnu hian khawmpui palaiten rorel an nei chhunzawm nghal bawk.
President kal chhuak tur, B Vanlaltana kaihhuaina hnuaiah rorel inkhawm neih a ni a. Inkhawmpui palaite hian MZP Sub-Hqrs Hnahthial chu Headquarters-ah hlan kai tura agenda lut chu an pawm a. Hei bakah hian state \henawmte nen ramri buai chungchangah Mizoram sorarkin chak zawkin hma la rawh se tih te, ram pum huai career awareness leh nationalism awareness campaign neih nise tihte leh kum 2022 hian Zo Hnam Inkhawmpui, Zofest chu hri puiin a tihbuai zui loh chuan neih dan hram zawn ni rawh se tihte chu lungrual takin an pawm a ni.
Kum 2021-2023 chhunga MZP General Headquarters hruaitu thlanna neihah, President-ah Lalnunmawia Pautu, Vice President-ah Andrew F Lalramnghaka, General Secretary atan Jacob Lalmuanpuia, Assistant General Secretary-ah Chinkhanmanga Thomte, Treasurer-ah Sanghmingthanga leh Finance Secretary atan Lalhuapliana te thlan an ni.

Leave a Reply

Your email address will not be published. Required fields are marked *

error: Content is protected !!