Ruatkima’n a biala kawng sial dan tur enpui

Aizawl West II bialtu, Minister of state Lalruatkima’n nimin khan a biala Tuikual North tlawhin, khawtlang hruaitute nen Tuikual North, Suakpuia Mual-a motor kawng sial tlang dan tur an enho.

Bialtu MLA leh khawtlang hruaitute chuan harsatna awm thei leh hnathawh tan dan turte sawihovin, Tuikual North VC house sak mek sak zawm dan tur an enho bawk.

Lalruatkima chuan hri leng karah theihtawpin sorkarin hma a la zel tih sawiin, Pathian awmpuina leh kohhran, khawtlang leh sorkar tanrualna zarah hri pawhin ziaawm lam a pan ta mek niin a sawi a. Chak lehzualin hmasawnna hna pawh a thawh theih ngei a beisei thu leh kum tharah chuan SEDP-in kuthnathawktute hnen a thlen ngei theihna tura hmalak a nih thu a sawi bawk.

Leave a Reply

Your email address will not be published. Required fields are marked *

error: Content is protected !!