Auto Corner
by Ruata
Passenger car hralh a that chhoh viau laiin October thlaah chuan a tlahniam leh hret a. Hei hi lirthei siamtuten lirthei siamnana hmanrua, semiconductors an mamawh ang an hmuh theih loh vang a ni tel pakhat bawk a ni.
Lirthei company 12 in an lirthei hralh dan an tihchhuah atang chuan October bikah hia wholesale-a lirthei pekchhuah zat chu unit 2,58,774 a ni a. Hei hi nikum October thla nena khaikhin chuan zaa 21 a tlahniam a ni. India rama passenger car siamchhuaktu lian ber Maruti Suzuki chu zaa 33 in an lirthei hralh a tlahniam a. Tata Motorschu che tha berin hetiang boruak karah hian an lirthei hralhchhuah chu zaa 44 in a sang thung a ni. Company thenkhat han en ila:
Maruti Suzuki: 1,08,991 units (-33.4 percent)
Sawi tawh angin Maruti Suzuki lirthei hralh zat hi zaa 33.4 in a tlahniam a, lirthei 1,08,991 an hralh chhuak a, nikum October-ah khan 1,63,556 an hralh a ni. Company chuan duh anga chip supply an hmuh that loh chu nasa taka an bei chungin an tlahniam ta hret tih an sawi.
Maruti Suzuki lirthei tlawm pahnih Alto leh S-Presso chu 21,831 an hralh a. Compact-segment cars an tih deuh – Baleno, Dzire, Ignis, Swift, WagonR leh Celerio hralh zat hi zaa 49 in a tlahniam a, lirthei 48,690 an hralh thung a ni. Maruti Suzuki utility vehicle (UV) model ho Vitara Brezza, Ertiga, S-Cross, XL6 leh adangte hi hralh a tla phian a. Unit 27,081 an hralh a ni.
Hyundai: 37,021 units (-34.6 percent)
Korean company lar leh hlun tak Hyundai pawh hi chip tlakchhamna tuar bertute zinga mi a ni a. Lirthei 37,021 an hralh a, nikum Octoberthla khan lirthei 56,605 an hralhchhuak a ni. An lirtheia hralh kal zual chu Creta, Venue, i20 leh Aura tihte a ni a, heng lirthei thenkhatah hi chuan lei duhte tan hun nghah ngai, waiting period chu a rei thei viau a ni.
Tata: 33,925 units (+43.6 percent)
Sawi tawh angin Tata hi an che tha viau mai thung a. Zaa 43.6 in an lirthei hralh a pung thung a, nikum khan October thlaah khan lirthei 33,925 an hralhchhuak a ni. Khawvel puma lirthei siamtu company ten semiconductor em em lai hian Tata Motors chuan sub-compact SUV thar, Punch chu October Ni 18 khan an tlangzarh a, a mawiin a tha viau mai a, market-ah eng nge a an chhoh dawn tih hriat a chakawm chho viau dawn a ni.
Mahindra: 20,130 units (+8.1%)
Mahindra pawhin tlakhniam lam an pan lo hlauh a. Zaa 8.1 in a lirthei hralh a pung a ni. Kumin October-ah hian lirthei 20,130 an hralh a, nikum October thla khan lirthei 18,622 an hralh thung a ni. Hmanni lawka an tlangzarh thar Mahindra XUV700 chu an bawh nasa khawp mai a tunah hian mi 65,000 in an book tling tawh hial a! Hei hi an chet tha pui chhoh ngei a beiseiawm a ni.
Kia: 16,331 units (-22.3 percent)
Kia chu zaa 22.3 in an tlahniam veleh thung a, lirthei 16,331 an hralh a, nikum October thla khan lirthei 21,021 an hralh a ni. An midsize SUV Seltos chu 10,488, an SUV te hret Sonet chu 5,443 an hralh bawk.
Toyota: 12,440 units (+0.5 percent)
Toyota pawh zaa 0.5 in an lirthei hralh zat a pung ve hret a. Lirthei 12,440 an hralh a, nikum October-ah khan lirthei 12,373 an hralh a ni. Toyota Fortuner leh Innova Crysta hi an lirthei hralh hnem ber a ni.
Renault: 8,910 units (-19 percent)
Renault pawh zaa 19 in an tlahniam a, lirthei 8,910 hralhin nikum October thla khan lirthei 11,005 an hralh a ni. Renualt Triber MPV leh Kiger sub-4 metre SUV te hi an lirthei che tha zual te an ni. Heng baka lirthei company hrang hrang lirthei hralh zat leh an lirthei hralh punna emaw tlakhniamna chu a hnuaia mi ang hi a ni.