HMEICHHE HUANG
Chhungkaw din hmâa chhan tur
DINHMUN: An chhungkaw chanchin leh khawsak phung i hrechiang tawk em? An sakhaw mi nge, peih chang changa inkhawm thin? An thenawm leh khawtlanga hriat an hlawh dan?
NAUPANG: Fa neih nghal in duh ang em? Engzat nge in beisei? Engtia enkawl seilen nge in tum? Eng hlutna nge zirtir tul nia inhriat?
SAKHUANA: Enge in thlir dan ni a, inhmuh dan? kohhran inang lo, lo ni ta u la, engtinnge in insiamrem theih ang?
HUNAWL: in hman châng leh hunawlah te hian i duhzawng leh nuam tihzawng i la ti/thawk/buaipui thei tho ang em? nuam tihzawng inangte in nei em?
NUNPHUNG: Engtia khawsak nge in tum a, nun hman in tum dan? khawiah nge in chen ang? Rem leh rem lovin inpui inping dang ve dawn nge, veng danga insawn?
SUM HMANNA: Thil manto leh hlu tak tak nei/lei thin i ni em? Thil engemaw bikah sum khawhral i ching em? Thil tha leh chhuak thar apiang neih ve zel tumna i nei em? Tuna i sum hman dan khan nupui/pasal neih hnu-ah i thlak thei mai mai tawh dawn lova, eng cheng nge insiam that i inhuam a, ruahmanna i neih tawh?
HNA: in pahnihin hna lo thawk ta ang ni u la, in-a haw hun, chhuah hun leh thawh hun hrim hrimah te inremsiamna neih ngai dinhmunah in ding em? Fanau lo nei ta la, hna i chawlhsan hmak mai dawn em ni? Tu emaw zawk zawk chawlh lo ngai ta ang se, pakhat zawk hlawh khâ inkhawsa naw naw dawn tihna em ni? part-time hna te i ngaihtuah em?
TUNLAI VS. HMANLAI: Hmeichhe chungchanga hmanlai ngaihdan ang te kha chhawm a ni ang em? Tunlai hun-ah hian hmei-chhia te pawhin thil eng-kim an ti thei tawh a, mipa te pawhin hre ve taw se tihna i nei em? in chhung sekrek leh tihfai te thleng hian hmeichhia-te tih vek tur a ni em? mipa zawk khan thlengsil, chhuatnawh leh nauawm thlengin a tihreh ang em?
RINAWMNA: A tlangval laiin engtinnge miin an hriat dan? hnaah a taima-in, a rin-awm em? ngaihzawng neih chungchangah leh thian kawmnaah te eng-tinnge an hriat dan? Sum leh paiah a rinawm em?