Mizo Hot 50 thlang tan

Mizo Music Industry tih-hmasawnna tur leh Mizo Music industry-in a mamawh ni bawk, tehna fel fai taka hla tha leh lar, mi duh leh ngaihthlak tam thlan chhuahna kalpui tan a ni ta.
A hmingah Mizo Hot 50 vuahin, khawthlang lam tena chart an kalpui dân anga platform hrang hranga ngaithlatu leh thlangtu ngah zual atangin teh a ni dawn a. Kar tin chawlhni zânah tarlan thin a ni ang. Youtube atanga DDJ leh Radio lam hla thlan thlenga teh a nih avangin a fair-in a ngawihnawm chho hle dawn bawkin a lang.
Chart kalpuitute chuan, “Induhsakna neih lam a ni lova, mi thiam bik nih pawh a ngai em em hran lo, Mizo Music Industry hmangaih leh taimak a pawimawh ber a ni,” tiin an sawi bawk.
Chart hmasa berah hian nikum Masi dawna Kris-tmas hla hit zet rawn chhuak, kar khat chhung leka 1M neia record siamtu Rebecca Lallawmsangi hla ‘Kan khua’ tih chu kum khat hnu-ah pawh tumahin an la tluk zo lo.
Kan khua tih hla hian nikum atang khan Kristmas dawn hnaih chauh loah pawh views a nei tam reng a. Chu chuan mipuiin an duhzia leh ngainatzia a tilang. Kristmas boruak a nih leh tawh avangin ngaithlatu pawh a neih tam zual a rinawm bawk a. He hla hian 1 Million kai nan hun a duh rei lo thin hle.
Kar kalta chhung pawn nuaihnih singriat leh sangriat chuang views nei hmanin pakhatna a hauh a, nuaih thum a tlin lohnna hi a tlêm hle. Amah teuh bertu nen an inthlauhna pawh nuaikhat singhnih chuang a la ni a. A filawr falin kar khat chhunga nuaihhnih chuang views nei awm chhun a ni bawk.
Kan khua tih hla hianMizo hla chauh ni lo, Esther Hnamte hla hit zet pahnih, ‘Vande Mataram’ leh ‘Jana Gana Mana’ te bakah, Zualbawihi leh Lalchhan-chhuaha te sak view ngah tak, ‘Don’t cry Joni’ te kar khat chhunga an views neih zât a khûm vek bawk a ni.
Pahnihnaah Shin Bia ‘ Khuavang Note’ awmin, ani hian kar khat chhungin ngaithlatu nuaihkhat sing-ruk leh sangsarih chuang a nei a. Kar liam ta khan views a ngah zual hle. Young Fella, Mendal, S Dawng(KZL) te hla, ‘Rukru’ chu pathumnaah awmin kar khat chhungin ngaithlatu nuaihkhat singli leh sangli chuang an nei ve bawk.
Benjamin Colney leh Jerry Elaro te hla hit ‘Mak tak leh hlauhawm taka duan’ tih chu palinaah awmin he hla hian khat chhungin nuaihkhat singkhat leh sang-ruk chuang views an nei.
Rebecca Lallawmsangi hla tho ‘Zin kawng’ chu panganaah awmin, nuaihkhat leh sangthum chuang kar khat chhungin views a nei a, Tetei Ralte Kristmas hla hit tak ‘Krismas leh kumhlui zûn’ chuan singkua leh sângruk chuang view neiin a dawt a. Jonathan Lianhna chuan a hla hit ‘Hmangaihtu’ hmangin singriat leh sângkhat chuang views neiin pasarihnaah a awm a.
Awmtea polymer ‘Thla-sik rim’ chuan sîngsarih leh zaruk chuang neiin a dawt a. Melody for Christ hla hit ‘Amen ka pe ta’ pawhin kar khat chhung lekin view sîngruk leh sângriat chuang neiin pakuanaah an rawn lang bawk a. Young Fella, Mendal, S Dawng(KZL) te hla, ‘Zing dar 6’ chuan sîngli leh sâng riat chuang view neiin 10-na an hauh veleh bawk.
Top 10 a kai lo zingah hian hla hit tak tak tunlai deuh leh hla hlui deuh te an inpawlh chho nuk a, heng te hi hla thlan hrang hrang hmanga teh a nih vang niin, heng hla thlan lama mipui thlan leh play ngun em em te hi youtube lamah pawh an la che chhe chuang hauh lo a, hla thar tam tak te aiin kar khat chhungin view pawh an la ngah thin hle.
Vanlalsailova chuan a hla 3 Hot 50 ah hian lanpuiin, heng a hlate hian kar khat chhungin views singhnih atanga singli an nei vek a. Lalroutmawi pawhin a Christmas hla hit hnih lanpuiin youtube lamah pawh kar khat chhungin view singhnih chuangte a rawn kai chho leh tan bawk a ni.

Hot 50:

  1. Rebecca Lallawmsangi, Kan Khua
  2. Shin Bia, Khuavang Note
  3. Young Fella, S DAwng, Mendal (KZL), Rukru
  4. Benjamin Colney & Jerry Elaro, Mak tak leh hlauhawm taka duan
  5. Rebecca Lallawmsangi, Zin kawng
  6. Tetei Ralte, Krismas leh Kumhlui zûn
  7. Jonathan Lianhna, Hmangaihtu
  8. Awmtea Polymer, Thlasik rim
  9. Melody for Christ, Amen ka pe ta
  10. Young Fella, S Dawng, Mendal (KZL), Zing dar 6
  11. Pensy B. Lalthangliani, A chiang lehzual thin
  12. Kimkima, Hmangaihna rimawi
  13. Vanlalsailova, I lamah atang Lalpa
  14. Benjamin Sum, Chhingmitin biahthu kan hlan
  15. Vanlalsailova, Hahchawlhna
  16. Bzi Chhangte, Ka tana chuai lo kha
  17. Smiley, Vawihnih chauh
  18. Maruati, Ka thinlungah a nung
  19. Lalduhsaki, Chu ngei chu ka tan van a ni e
  20. Dr Reuben, Kum hlui liam tur
  21. Super Trio, Ka tan lawmna
  22. Daduhi, Min dem lo la
  23. Vanlalsailova, Thinlung a thlir zawk thin
  24. PBK Liankhuma, Kan Pathian hmangaihna thukzia
  25. Lalroutmawi, Hosana tizelin aw
  26. Daduhi, Sikni eng
  27. Liandingpuii, Kan nghah Krismas
  28. Lalthansangi, Chhandamtu I ropui zarah
  29. Sangtei Khuptong, Awm lo ta la
  30. K. Hminga, Hringnun Diary
  31. Kimkima, I zun ngaih lunglen vangin
  32. Van Hlei Sung, I tang ka belh lai khan ka hlim zawk si
  33. Bethsy, Pensy, Temi Sailo, Mamawh chhanna Lal Isua
  34. Marina, Thlawitenali
  35. Maruati, Rimawi ropui ber
  36. Zaii Hauchhum, Nghilh har di hmasa
  37. One In Christ, A hmangaihna a lo ni
  38. Tuaisiala, Suangtuahna neitu
  39. Sailo Lalsangzuali, Tuinung lui
  40. Lallawmawma, Hla taka khaw dur
  41. C. Vansanga, Kan dam chhan
  42. Lalroutmawi, Lal pian hun lawmawm
  43. TBC Zaithanpuia, Nitin Isua
  44. Jaui, Ka thlang ber che
  45. TBC Zaithanpuia, Van hmun ropui
  46. Zoramchhani, Engtin Van hmun nuamah chuan awm ang maw
  47. Bethsy Lalrinsangi, Isua nen chuan
  48. Mimi Lalzamliani, Khuanu leng ruat loh di
  49. C. Vansanga, Lelte nunnem
  50. H. Lalthakima, Thaainawni

Leave a Reply

error: Content is protected !!