Bhopal naupang damdawi in kângah piang hlim pali thi


India lailia state, Madhya Pradesh damdawi ina nausen enkawlna hmun (neonatal ward)-a kangmei nasa tak chhuakah nau piang hlum pali an thi.
Bhopal-a Thawhtannia Kamla Nehru Children’s Hospital-a kangmei chhuakah hian thawktute chuan nausen 36 an chhanhim hman thung.
Meikhu avanga hmuh hleihtheih loh khawpa zing karah nu leh pate chuan an fate chhan tumin an bei hlawm bawk.
Kangmei chhuah chhan tak hi hriat a la ni lo va; mahse, thuneitute chuan electrical short circuit vang a nih theih thu an sawi.
Chief Minister Shivraj Singh Chouhan chuan thil thleng chu a rilru natthlak thu a sawi a. Chhui chiang tura tihna thupek chhuahin Thite chu $ 5,400 theuhva ral an nih tur thu a sawi bawk.
Kangmei hi Thawhlehni zan dar 9:00 vela chhuak kha niin damdawi in hi a thim zui nghal vek a. Video darh thenkhatah chuan nu leh paten an fate chhan tuma thinrim taka an inhrosa lai leh damdawi in vengtuten an dan theih loh avanga an kaltlang laite pawh hmuh tur a awm.
Kangmei hi darkar thum hnu velah an thelh mit thei a ni.
India ramah hian damdawi in kang hi a thleng fo va, hei hi himna tura dan zamte zawm that tawk loh vang a ni fo.
Pathianni maiah pawh khan Maharashtra-a Covid-19 kai enkawlna hmun damdawi ina ICU-ah kangmei a chhuak a, mi 11 an thi a. A kan chhan hi chhui tura tih nghal a ni.

Leave a Reply

Your email address will not be published. Required fields are marked *

error: Content is protected !!