Farm law : Nov. 29-ah Parliament thleng kawng zawh


Sorkarin lo neihna dan thar a siam tak duh lotu lo neitute chuan an duh lohzia lantir nan November 29 hian Parliament thleng kawng an zawh dawn.
Parliament-a lo neihna lam khawih thil dan pathum pawm tak duh lohna lantira Delhi daia an inkulhin kum khat a tlin hnu lawka nana tractor nen khawpui luta kawng zawh an tum a. Thutlukna hi lo neitu pawl hrang hrang intelkhawmna, United Kisan Morcha chuan Thawhlehni khan a siam.
Delhi ramri, Ghazipur leh Tikri a\angin lo neitute hi an tractor nen Parliament House an pan dawn a. An lo danna hmun hmunah tawpin awmhmun sawn lovin \huin lungawi lohna an lantir zui bawk ang.
Lo neitute hian sorkar chu vau nawn lehin farm law tia sawite chu November 26 hmaa a hnuk kir lo a nih chuan na zawka an chet zel tur thu an sawi.
“Sorkar laipui hian November 26 thleng hun a la nei a, a hnu, November 27 a\ang chuan khua a\angin lo neitute hi Delhi hualtu ramri bulah tractor nen kan pung khawm ang a, chak zawkin kan insiam dawn a ni,” tiin an hruaitu, Rakesh Tikait chuan November 1 khan Twiiter-ah a tar lang.

Leave a Reply

Your email address will not be published. Required fields are marked *

error: Content is protected !!