Larsap hnenah a dawng tur dik takten PM scheme an dawng lo tih hrilh


BJP Mizoram state President Vanlalhmuaka leh Vice President Dr BD. Chakma ten Mizoram Larsap Hari Babu Kambhampati hmuin, Mizoramah PM scheme hrang hrangte a dawng tur dik takten an dawng lo niin an hrilh a. State-a sorkarna changtuin party vote zawnna atan an hman avangin mi retheiten an chhawr thei lo niin an hrilh.
Mizoramin mipuiin sorkar dik tak an mamawh thu BJP hruaitute chuan larsap chu hrilhin, Prime Minister scheme hrang hrangte a hmu tur dik takin an hmuh theihna tura central sorkarah \an lakpui turin an ngen a ni.
BJP Mizoram state president leh vice president chuan Mizo mipuite chu India rama discipline nei \ha ber leh sorkar thu zawm \ha ber ni chunga India rama COVID-19-in a tihbuai ber leh khawvela Covid avanga lockdown hmang rei ber an nih thu larsap chu an hrilh a. Mizoramin mipui rawngbawltu sorkar, mipui sorkar an mamawh tawh hle tih larsap chu an hrilh.
Dr BD. Chakma chuan state sorkarin 6th schedule leh autonomous district council te a ngaihsak lovin a palzut hle niin larsap chu a hrilh a. 6th schedule amendment chungchangah pawh hmalakpui turin a ngen.
Larsap chuan state BJP hruaitute thu thlenah te a \ul anga hmalakpuia a lo en zui tur thu state BJP hruaitute chu a lo hrilh a. Mizoram hmasawnna atan leh PM scheme hrang hrangin a thlenna tur dik tak a thlen theihna tur leh mi retheite dinhmun chawikanna atana nasa zawk a hma la turin a lo hrilh bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427