Oil palm thar thawh thu-ah JACoOP dinna la ngai


JAC on Oil Palm: Mizoram (JACoOP) chuan ram chhunga nungcha, thing leh mai bakah mihringte tan ngei pawha hnemhnanpui awm chuang lo tur oil plam chin thar thawh leh chu \ha an tih loh dan a la ngai reng niin an sawi.
An thuchhuahah JACoOP chuan, November 5, 2021-a National Mission on Edible Oil – Oil Palm Mission hnuaia Mizorama Oil Palm chin thar thawh tur chungchanga ‘titihona hun’ Directorate of Agriculture, Government of Mizoram-in a buatsaih chu lawmawm an tih thu an sawi a. Environment ngaihtuah tel chunga hmalakna a awm chho ta hi hmasawnna ropui tak niin an hriat thu sawiin, he titi hona hunah hian ram leh a chhunga chengte himna turin rah \ha zawk a chhuah ngei an beisei thu an sawi bawk.
Hetih lai hian, Mizorama Oil palm chin thar thawh/hma thar laa chin thar leh hi tun dinhmunah chuan ram leh a chhunga cheng — nungcha chi hrang hrangte, tual\o thlai leh hnimhnah hrang hrangte, leilung, tuihna leh kan hnam ziarang leh nunphung, kan sakhuana thlenga nghawng \ha lo zawk nei thei a nih avangte, kuthnathawka eizawng tam zawkte tan pawh a hnemhnanpui awm chuanglo tur a nih avangin \ha an tih loh dan a la ngai reng niin an sawi.
“Sum leh paia a hlawkna phena a nghawng \halo awm theite ngaihtuah chung a, kan ram leh hnam himna tur thlir chunga hmalak nise tih hi kan dinna a la ni reng a. Chik zawk leh ril zawk, uluk leh fimkhur taka zirchiang a, thudik leh belhchiandawl chauh hmanga zirtirna pe \hin tawh turin department lam thuneitute pawh kan beisei bawk a ni,” JACoOP chuan an ti.
JACoOP chuan Red Oil Palm ching mek leh hlawhtlinpui mekte thinlung takin a lawmpui a, a ching mekte enkawl chhunzawm leh puihbawm chungchangah pawh sorkar-in theihtawp a chhuah chhunzawm zel an beisei thu an sawi a. Hetih rual hian Red Oil Palm-a beidawng a, hmalakna tawpsan a, suat leh ta te leh suat mekte erawh an tawrhpui thu leh, chhawmdawlna awm thei ang angte sorkar lam pawhin ngaihtuahsak se a duh thu an sawi a ni.

Leave a Reply

Your email address will not be published. Required fields are marked *

error: Content is protected !!