Sikul kangah zirlai naupang 26 thi


Niger ram chhim lama di leh thinga sak sikul kangah zirlai naupang 26 vel zet an kang hlum niin chhiatna thlenna lai governor chuan AFP news agency a hrilh.
Maradi Mayor Chaibou Aboubacar chuan, “Tunah hian mi 26 an thi a, 13-in hliam an tuar tih kan hre tawh a, an zinga pali chu an na hle bawk,” a ti ve bawk a. Zirlaite hi kum nga leh kum ruk bawr vek an ni tih Thawh\annia APF-in a tar langah chuan a lang.
Khawvela ram rethei ber zinga mi, Niger-ah hian sikul in \ha sakna khawp an nei meuh lo va, hmun tam zawkah chuan di leh thing fawmin an sa mai zel a. Zirlai naupangte pawh chhuatah an \hu mai zel bawk.
An hmanraw hman hi kang duh tak a nih avangin a kang fo tawh \hin a; mahse, thihna thleng em erawh a tam lem lo thung.
Hetih lai hian April thla khan Niamey district-a sikul kangah zirlai naupang 20 erawh an lo kang hlum tawh thung.
Niger Teachers’ Union-a secretary-general Issoufou Arzika chuan Maradi-a kangmei chhuak hian sikul zawng zawng a tichhe vek tih Thawh\anni khan AFP a hrilh.
Arzika chuan an pawl hian Niamey-a kangmei a chhuah tawh avang khan sorkar hnenah pawh di leh thinga sikul sak chu a him lo hle tih an lo thlen tawh tih a sawi bawk.
“Di-a sak ina sikul kai ai chuan thingkung dai hlim hnuaia kal pawh a \ha zawk a, zirlaite tan inhal hlumna hmun a chang mai thei a ni,” a ti.
President Mohamed Bazoum pawhin tun hnai khan thinga sak sikulte chu thlak a lo tiam tawh bawk.
Niger-ah hian tun hnai lawk khan an ram hmar lam, Dan-Issa district-a rangkachak laih chhuahna hmun chimah mi 18 vel an lo thi tawh bawk.

Leave a Reply

Your email address will not be published. Required fields are marked *

error: Content is protected !!