Darkar 24 liam ta chhung khan India ramah mi 11,919-in COVID-19 an kai tih hmuh chhuah leh hman niin mi 3,44,78,517-in an kai ta.
Union health ministry-in a chhinchhiah dan chuan hri kai enkawl lai hi mi 1,28,762 an la awm.
Darkar 24 liam ta chhungin mi 470-in thihpui leh hmanin mi 4,64,623 an thi tawh tih ministry chuan a tar lang bawk.
India-ah hian ni khata hri kai hmuh chhuah hi ni 41 chhung mi 20,000 an tling lo zawn tawh a. Mi 50,000 phei chu ni 144 chhung an tling lo zawn tawh.
Hri kai enkawl mek pawh a kai hmuh chhuah tawh zawng zawng atanga chhutin 0.37% chauh ni tawhin March, 2020 hnu lama a hniam lai ber a ni a. Enkawl dam pawh 98.28% ni tawhin March, 2020 hnua a san lai ber a ni bawk.
Darkar 24 liam ta chhung hian a kai hmuh thar aia enkawl dam an tlem zawk avangin damlo mek hi 207-in an pung.
Darkar 24 liam ta chhung hian hri kai leh kai loh endik zinga 0.97% chuan kaiin ni 45 chhung a zawnin 2% hnuai a ni tawh.
Chawlhkar khat chhunga kai hmuh pawh 0.94% chauh a ni tawh bawk a, ni 55 chhung chu a zawnin 2% hnuai lam a ni tawh bawk tih health ministry chuan a tar lang bawk.