engtinnge ‘Biahthu’ i hlan ang?

Rilru chhungril leh ngaihtuahna kilkhawr ber atanga lo irhchhuak, ‘HMANGAIHNA’ hi zawng mihring tawng ringawt hi chuan sawi fiah ngaihna a awm lo. Tung-chhova kal mihringte hian kan sawi fo thin a, mahse hriatthiam erawh harsa kan ti leh lawi si. A buai nuai a, a hnawk belhchhah bawk.
A kawng hmang hre lo fe fe hi a tam zawk kan la ni tlat mai a, (a harsa em bawka tin ni) A thenin, awlsamtea an sawi theih mai laiin, thenkhat tan erawhthlan tlaphunga inngaihtuah buai theih a ni tlat mai.
Chuvang chuan engtinnge i hmangaih leh duh ber hnenah ‘biahthu’ i hlan tak ang? tih chu kawhhmuh i ni dawn e, ngun takin chhiar chhuak la, a taka zawm tum ngei bawk ang che.

Engtikah maw ni ang?
A hmasa berin, mahni leh mahni inchian hi thil pawimawh hmasa ber a ni. He nu/pa hi i hmangaih tak tak a, thumal pathum i hrilh tura hi i hmangaih chiah maw? ‘Ka hmangaih che’ tih hi tawngpawng namnul mai mai chi a ni lo. Chuvang chuan, i rilru chhung-ril tak taka i hriatchian a, i ti tak tak a ni tih i chian hun kha sawichhuahna remchang tak a ni a tih theih ang.

A hun leh a hmun tur te hi…
Tunah chuan i hmangaih tak tak a ni tih chianna i nei tawh a, i hmalakna hmasa ber tur chu a hun leh a hmun chungchanga thutlukna siam hi a ni. Zing kar hi a fuh lem lova, chhun pachang pawh a tihchi ber lova, nitla dawn lai vel boruak mawlh mai hi i tan a hrisel ti teh ang.
Hmun fianrial chut thawh thawt a ngai lo. Remchang tura i hriatna leh i damchhunga i hriatrengna tur hmunte kha chu i ngaihtuah chhuak thiam tawh mai ang!

Engtia sawi tur nge?
A hun leh hmun tur i chiang tawh a, a dawt leha chu sawi chhuah kha a ni. A tha ber la ni foa chu, pangpar nalh tak hmangin emaw gift a nih loh paw’n chocolate te nena inbarhluh mai kha a ni.
Tute pawh hian present/gift kan lawm vek a, chutih laiin he ni bik atan hian ‘chocolate’ hi inpek tam ber a nih fo avangin hman tangkai a sual lovang. ‘Ka neihchhun hma-ngaihna’ tih fo mai pawh hi dawt insawi siakna mai mai a ni a, hmangaih berte tana eng emaw pek tur nei lo khawpa rethei hi tawng mawi lo ni lo se, Van hnuai-ah hian an awm dawn emaw ni le?

Inbuatsaih rawh
A chhanna hi i beisei loh tak pawh a ni thei! Hma-ngaihte bula hmangaihna sawi hi General Napolean te meuh pawh an thingthit phah rawp rawpna a ni a, lo inlak ‘sek’ ve vakna chi chu a ni lo.
A chhan let danah che hian i lungawi emaw awi lo emaw, i hnual emaw hnual lo emaw, i rilru a na emaw na lo emaw, i beidawng emaw dawng lo emaw, he hringnunah hian inchhirna i neih loh hun a la thleng tho tho ang.
An sawi fo thin, ‘Thlen loh ai chuan tlai pawh a tha zawk’ tih hi. Khai le, hunin a liam pui hma ngei hian i duh ber leh hmangaih ber bulah ‘hmangaihna’ fun khat mai ni lo, a bawr a bawrin hlan rawh le.

Leave a Reply

Your email address will not be published. Required fields are marked *

error: Content is protected !!