Indonaa ram tana nun hlan sipaite hriatrengna cheithat hawng

Indona-a ram leh hnam tana nun hlantute hriatrengna leh zahna lantirna lungphun War Memorial, Champhai Bawrhsap hmun hluia siam cheithat chu nimin khan Champhai bawrhsap, Zila Sainik board (ZSB) Champhai chairman ni bawk Maria CT Zuali’n a hawng.

Champhaia War Memorial cheithat hawnnaah hian Champhai bawrhsap Maria CT Zuali, Addl. district & sessions judge Sylvie Z Ralte, District sainik welfare & resettlement officer Maj John VL Khawlhring, 8 Assam Rifles commandant Maj. Sunny Tomar leh DIPRO Dr. Lallawmkima ten ram tana nun hlantute zahna pangpar an dah a ni.

Kum 1997-a siam Champhaia War Memorial hi Rs. 1,50,000 sengin kumin October kartawp lam khan cheithat a ni a. He lungphunah hian indopui pakhatna leh pahnihna bakah India ramin zalenna a neih hnu indona hrang hranga ram tana nun hlan sipai 17 te hming a chuang a, remchang hmasaah 1 ziahbelh tura ruahman a nih thu sorkar thuchhuahin a tarlang.

Leave a Reply

Your email address will not be published. Required fields are marked *

error: Content is protected !!