MLA fund hmanga sak building thar hawng

MLA fund Rs. nuai 13 hmanga sak Ngur khuaa Bazar shed leh Ngur village development committee-in model village office an sak chu nimin khan bialtu MLA Dr ZR Thiamsanga’n a hawng.

Ngur khuaa Bazar shed leh model village office hi building pakhata awm niin, a chhawng hnuai zawk chu Bazar shed atana hman tur niin, a chung zawk chu model village office atan an hmang dawn a ni.

Bialtu MLA chuan Land development atana district pahthum atanga thlan zingah a bial chhunga khaw pahnih – Hnahlan leh Ngur khuate an tel thu sawiin, Ngur khaw ram hausakna haichhuak thei tura bultana kawng hrang hranga hmalak tum a nih thu a sawi a. Model village cheimawina atan in chung rawng inang vek hman tum a nih thu te, faina, hriselna leh khawchhung tawt lutuk tur ven kawnga hmalak hmasak a tul thu te, thildangah pawh a tahtawla hmalak zel tum a nih thu te a sawi bawk.

Leave a Reply

Your email address will not be published. Required fields are marked *

error: Content is protected !!