Mizoram U25 kutah Nagaland an tlawm

Mizoram Under-25 cricket team chuan BCCI hnuaia Mens Under-25 State A Trophy khelh mekah Pathianni khan Nagaland wicket 7 in an hneh.

Amingaon a inkhelah Nagaland in vuak hmasak an thlang a, Numalijalah Parade Ground-ah Mizoram bowler-ten an khingpuite vawm out zo turin over 43 chiah an mamawh a. Run 147 an siam tir.

Tualchhung bowler Sahil Reza leh Lalhriatrenga ten wicket thum ve ve an la a, captain F. Lalruatfela chuan wicket hnih la in Vanlalremruata leh F. Vanlalmuanzuala ten wicket khat ve ve an la.

Mizoram in chak turin run 148 siam an mamawh a, over 34.1 ah wicket thum chiah hlohin an tum ram an thlang a. Opener Gaurav Singh che tha in run 80 a siam a, a tawp thlengin an vawm out thei lo.

Ningani a Arunachal Pradesh laka hnehna chang tawh Mizoram hian khelh li atang vawi hnih hnehna an channa a ni a, Plate Group-ah point 8 hmu in pangana an ni mek. Inrinni khan team tha Assam nen Nehru Stadium-ah inkhelin hetah erawh an tlawm.

Mizoram team manager Laithanzuala chuan, “Amingaon a pitch hi bowler te chetthatna tura ngaih a ni a, kan spinner ten an hmang thiam a, pace bowler te pawhin an chhawr. Run 80 siamtu Gaurav hi a chetthatna turin a thawkrim a, a din ngheh tawh chuan hetianga che tura talent neitha a ni.” tiin an chak hnuah a sawi.

Nilaini hian Mizoram hi Manipur nen an khelh tum nga na ni turin an inkhel leh ang.

Leave a Reply

Your email address will not be published. Required fields are marked *

error: Content is protected !!