A vawi thum nan Rebecca Lallawmsangi chuan Mizo hot 50 -ah No 1 a hauh leh a, Kan khua official video hian kar liam ta chhung khan, nuaili singhnih sangriat chuang ngaithlatu a nei a, Thazual award-a a perform video pawn entu a ngah fal hle bawk.
Kar hmasaa No 2 Hex da Marshall, Richie Fanai, Lil Kiki, Addie Boy, Ag Ralte, Blu Scar, Lesky Hype, Smiley (MMR) – Ka lo khawih chhin tih chuan No 2 bawk a hauh leh a, kar liam ta khan nuaihnih sangthum chuang YouTube lamah ngaithlatu an nei bawk.
Kar hmasaa No 3 Young Fella, S Dawng Mendal te chuan an dinhmun ngai la luahin, kar liam ta khan ngaithlatu nuaikhat singli sangkhat chuang an nei ve leh bawk.
No 4 naah Shinbia awm lehin, a hla Khuavang Note chuan kar liam ta khan YouTube ah nuaikhat singthum sangsarih chuang ngaithlak a ni bawk. Kar hmasaa No 6 Benjamin leh Jerry te chu No 5 ah rawn chho lehin kar liam ta khan an hla ‘Mak tak leh hlauhawm taka duan’ tih chuan nuaikhat singkhat sangthum chuang ngaithlatu an nei ve leh bawk.
Kar hmasaa No 8 Rebecca Lallawmsangi hla ‘Zin kawng’ tih chu No 6 ah rawn chho-in, kar liam ta khan ngaithlatu nuaikhat leh sanghnih chuang ngaithlak a ni bawk.
Tetei Ralte ‘Kristmas leh kumhlui zun’ chu No 7 ah tho la awmin, kar liam ta khan singkua leh sangnga chuang ngaihthlak a ni bawk.
Kar hmasaa 10-naa rawn lang Thawhlehnaniropuia ‘Ka thlarau a chawm leh thin’ tih chu No 8 ah rawn chhovin, kar liam ta khan singkua leh sangthum chuang ngaihthlak a ni bawk.
No 9-ah kar hmasaa 18 na Maruati ‘Ka thinlungah a nung’ tih chu a rawn invawrh dawrh a, kar liam ta khan ngaithlatu singsarih sangriat chuang a nei a. No 10 ah Lalroutmawi Krismas hla hit ‘Hosana tizelin aw’ tih chu 19 na atangin Top 10 ah a rawn invawrh kai a, kar liam ta khan YouTube lamah ngaithlatu singsarih sangnga chuang a nei a ni. Tin, a krismas hla pahnih Lal pian hun lawmawm tih leh Lal pian hun pangpar tih chu 17 na-ah leh 28-naah a lanpui bawk.
Kar hmasaa No 5 Awmtea Polymer, ‘Thlasik rim’ chu 16-naah a tla thla dawrh a, kar hmasaa No 9 Jonathan Lianhna ‘Hmangaihtu’ pawh top 10 a alan char char hnua-ah top 10 atanga chhuakin No 11 a hauh bawk. Mizo Hot 50 chart tharah hian hla thar Isaac Hrangchal feat Ooze te hla thar Chica Bonita chu No 13 ah an rawn lang thar bawk a.
Chart hmasaa 45 na Liandingpuii Thiam channa Kros chu a chhuak ve thung a. Charta hmasawn ber zingah Maruati leh Lalroutmawi bakah Rebecca Lallawmsangi Dam dam 48-na atanga 15-naa rawn chho leh Kimkima I zun ngaih lung-len vangin 44-na atanga 22-naa rawn chho te chu hmasawn langsar ber te an ni a.
Dam dam hian kar liamta khan youtube ah singruk leh sangkhat chuang ngaithlak a ni a, I zun ngaih lunglen vangin tih pawhin kar khat chhungin singli leh sangriat chuang ngaithlatu rawn neiin, ngaihthlak an hlawh chho zual tan leh hle niin a lang bawk a ni.
Mizo Hot 50 hi platform hrang hrang hmanga teh a ni a, YouTube lamin tehna lamah point a keng tam zual a, hla thlan hrang hrang leh platform hrang hrangte pawh entel an ni thin bawk a, kartin Monday zanah tihchhuah thin a ni a, Instagram lama @MizoHot50 ah phochhuah thin niin, page lian hrang hrangah tarlan thin a ni bawk a. Sponsor duh tan pawh an instagram page @MizoHot50 lamah hian biak theih reng an ni bawk
- Rebecca Lallawmsangi – Kan khua
- Hex da Marshall, Richie Fanai,Lil Kiki, Addie Boy, Ag Ralte, Blu Scar, Lesky Hype, Smiley (MMR) – Ka lo khawih chhin
- Young Fella, S Dawng Mendal (KZL) – Rukru
- Shinbia – Khuavang Note
- Benjamin Colney & Jerry Elaro – Mak tak leh hlauhawm taka duan
- Rebecca Lallawmsangi – Zinkawng
- Tetei Ralte – Krismas leh kum-hlui zûn
- Thawhlehnaniropuia – Ka thlarau a chawm leh ṭhin
- Maruati – Ka thinlungah a nung
- Lalroutmawi – Hosana tizelin aw
- Jonathan Lianhna – Hmangaih-tu
- Latei Hringen – Lungrun pui
- Isaacc Hrangchal & Ooze
Chica Bonita - Latei Hringen – Atha vek e
- Rebecca Lallawmsangi – Dam dam
- Awmtea Polymer – Thlasik rim
- Lalroutmawi – Lal pian hun lawmawm
- Melody of Christ – Amen ka pe ta
- Young Fella S Dawng Mendal – Zing dar 6
- Thawhlehnaniropuia – Hma-ngaih ram nuam
- Benjamin Sum – Chhingmitin biahthu kan hlan
- Kimkima – I zun ngaih lunglen vang hian maw
- Zorema Khiangte – Min hma-ngaih lo i thei lo
- Jonathan Lianhna – Thlei bik a nei lo
- Pensy B Lalthangliani – A chiang leh zual ṭhin
- Zaii Hauchhum – Nghilh har di hmasa
- K Hminga – Ka hringnun diary
- Lalroutmawi – Lal pian hun pangpar
- Bzi Chhangte – Ka tana chuailo kha
- Super Trio – Ka tan lawmna
- Kimkima – Hmangaihna rimawi
- Smiley – Vawihnih chauh
- Siampuii Ralte – A her leh ngei ang
- Dr Reuben – Kumhlui liam tur
- Tbc Zaithanpuia – Hringnun par vul lai
- Vanlalsailova – I lamah aṭang Lalpa
- Vanlalsailova – Hahchawlhna
- Lalduhsaki- Chu ngei chu ka tan van a ni e
- Tbc Zaithanpuia – Van hmun ropui
- Daduhi – Min dem lo la
- Vanlalsailova – Thinlung a thlir zawk ṭhin.
- Liandingpuii – Kan nghah Krismas
- Jt Production – Nov 29 (Ka thinlung hmutu)
- Pbk Liankhuma – Kan Pathian hmangaihna thukzia
- Lalthansangi – Chhandamtu i ropui zarah
- Mazuali K – Damdawi mum lian
- Sangtei Khuptong – Awm lo ta la
- Shai Hills – Nghilh a har
- Van Hlei Sung – I ṭang ka belh lai khan ka hlim zawk si
- One in Christ – A hmangaihna a lo ni