LC leh VC bye-election hun atan December ni 16, 2021 ruat

Mizoram state election commission (SEC)-in Aizawl municipal corporation huam chhunga local council member hmun ruak leh Lai autonomous district council (LADC) leh Chakma autonomous district council (CADC) huam chhunga village council member hmun ruak te hnawhkhat tura bye-election neih hun atan December ni 16, 2021 (Ninganni) ruat a nih thu a puang.

AMC huam chhunga – Laipuitlang, Zemabawk, Armed Veng, Tuithiang, Republic leh Venghnuaia local council member boral an awm avang te, veng danga pasal nei leh AMC councillor-a thlan tlin an awm avangtea bye-election chu buatsaih tul a nih thu SEC thuchhuah chuan a tarlang a. LADC leh CADC huam chhungah pawh member boral an awm avangte, member ban leh bang an awm avangte leh VC thiah a awm avangtea bye-election chu buatsaih tul a nih thu a tarlang.

LADC huam chhunga – Mualbu ‘L’; Darnamtlang; Lungpher ‘S’ leh Vawmbuk II (Vaivakawn)-ah te VC bye-election hi neih a ni dawn a. CADC huam chhunga – Borapansury-II; Ajasora-II; New Jagnasury-I; Samuksora; Parva-IV leh Kamalanagar ah te VC bye-election buatsaih a ni dawn bawk.

LC leh VC seat ruak hnawhkhahna tur hi ballot paper hmanga thlan tur a nih thu SEC thuchhuah chuan a tarlang a. General seat-ah ballot paper var hman tur a nih thu leh reserved seat-ah ballot paper senno (pink) hman tur a nih thu a tarlang.

Party worker-te inkara boruak thalo pumpelhna turin polling station bulah political party te leh candidate-te awmkhawmna tur common election camp pakhat chauh siam phal a nih tur thu SEC thuchhuah chuan a tarlang a. Common election camp chu a mawlmang thei ang bera siam tur a nih thu leh flag, poster, symbol-te leh thuziak, political party emaw candidate lam kaihhnawih ziahna engmah tar phal a nih loh tur thu a tarlang bawk.

LC leh VC bye-election chuh tum te tan November ni 29, 2021 thleng hming pekluh theih a ni ang a, hming pekluh te chu November ni 30, 2021 ah endik tur niin, inhnukdawk leh duh te tan December ni 2, 2021 thleng hun hawn a ni ang.

December ni 16-ah vote thlak tur niin, hemi ni vek vote thlak zawh felah vote tla te chhiar nghal tura ruahman a ni a, vote thlak that tulna a awm anih chuan December ni 17, 2021-ah vote thlak that tura ruahman niin, December ni 20, 2021 ah chuan inthlan leh a kaihhnawih thil pawimawhte tihfel zawh vek tura ruahman a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427