Copa Libertadores : Palmeiras in an lallukhum an hum

Brazilian football club Palmeiras chuan South America a club inelna lian ber Copa Libertadores trophy a kum zawnin an chawi a. Final-ah Brazilian club dang Flamengo chu 2-1 in an hneh.

Pathianni zinga Uruguay a Estadio Centenario a final inkhelah Manchester United atanga loan a khel mek Andreas Pereira chu huntawp dawnah a chesual a. Palmeiras striker Deyverson chuan remchangah la in an chakna goal a khung phah.

Sao Paulo khaw club hian Copa Libertadores hi a vawi thumna atan an chawi a, kum 1999 leh 2020-ah te an chawi tawh.

Inkhel tan atanga minute nga a kal chauh tihin Palmeiras in goal an khung a, Raphael Veiga chuan dinglam atanga ball a hmuh chu goal-ah a khung a. He goal hi second half-ah Flamengo tan Brazil striker Gabriel Barbosa chuan a sut.

Extra time khelh a nih hnuah Pereira chuan an goal hma metre 30 vel chauhah ball a hloh a, Deyverson-a’n goal-ah a chantir.

Portuguese coach Abel Ferreira chu European mi zingah Copa Libertadores vawi hnih a zawna chawi thei hmasa ber a ni a, kum 2001 a Boca Juniors hnua he inelna a a zawna champion leh thei hmasa ber an ni bawk.

Ferreira chuan, “Medal kan lak belh leh hi a lawmawm, Supercup leh Recopa ah te tlawm hreawmzia kan hriat avangin chak tura kan tih ngai kan hria.” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427