Aizawla mitthi 2,206 zingah COVID-19 kai 271


Kuminah October thla thleng khan Aizawl Municipal Corporation (AMC) huam chhungah mitthi 2,206 an awm a, heng zinga 271-te chu sorkarin Covid-19 vanga thia a puante an ni.
AMC-in a chhinchhiah danin AMC huam chhungah kumin January khan mitthi 228 (mipa 147 leh hmeichhia 81) an awm a, heng zinga pakhat chu COVID-19 kai a ni. February-ah mitthi 192 (mipa 123 leh hmeichhia 69) awmin heng zinga pakhat chu COVID-19 kai a ni a, March-ah mitthi 251 (mipa 169 leh hmeichhia 82) awmin, heng zinga pakhat chu COVID-19 kai a ni.
Kumin April khan AMC huam chhungah mitthi 221 (mipa 149 leh hmeichhia 72) an awm a, heng zinga palite chu COVID-19 kai an ni a. May thlaa mitthi 197 (mipa 119 leh hmeichhia 78) zinga mi 25 chu COVID-19 kai an ni.
June thla khan AMC huam chhungah mitthi 192 (mipa 122 leh hmeichhia 70) awmin, heng zinga 53-te chu COVID19 kai an ni a. July-ah mitthi 221 (mipa 142 leh hmeichhia 79) awmin, an zinga 55-te chu COVID-19 kai an ni.
Kumin August khan AMC huam chhungah mitthi 214 (mipa 135 leh hmeichhia 79) awmin, an zinga 69 chu COVID-19 kai an ni a. September-ah mitthi 250 (mipa 165 leh hmeichhia 85) awmin, an zinga 93-te chu COVID-19 kai an ni.
Thla liam ta, October khan AMC huam chhungah mitthi 240 (mipa 162 leh hmeichhia 78) awmin heng zinga mi 122-te chu COVID-19 kai an ni a. Nikum khan AMC huam chhungah mitthi 2,642 an awm a, heng zinga mi pariatte chu COVID-19 kai an ni.
Nimin tlai dar 6 thleng khan Mizoramah COVID-19 kai nunna chân mi 490 an awm tawh a, heng zinga mi 315-te chu mipa niin, hmeichhia 175 an ni. Kumin bikah nimin tlai dar 6 thleng khan COVID-19 kai nunna chân mi 482 awm tawhin, heng zinga mi 308 chu mipa an ni a, hmeichhia 174 an ni thung.
Kar liamta chhung khan Mizoramah COVID-19 kai nunna chân 14 an awm a, hmeichhia leh mipa pasarih ve ve an ni.
Kar kaltaa nunna chânte hi kum 77, 61, 54, 89, 88, 67, 70, 76, 81, 72, 21, 17 leh 69 mite an ni.
Thla liam ta aiin Mizoramah COVID-19 kai nunna chân zat a tlahniam a, October, 2021-ah ni 27 thlengin COVID-19 kai nunna chân 114 an awm laiin, tun thlaah ni 27 thleng khan nunna chân mi 58 chauh an la awm thung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427